Los Conciertos del Auditoriu y les Xornaes de Pianu celebren venti años de la Uviéu Filarmonía y l’Auditoriu

Los Conciertos del Auditoriu y les Xornaes de Pianu celebren venti años de la Uviéu Filarmonía y l’Auditoriu
14 setiembre 17:06 2018 Imprimir

Los Conciertos del Auditoriu y les Xornaes de Pianu celebren venti años de la Uviéu Filarmonía y l’Auditoriu con una temporada qu’entama esti 27  d’ochobre y que foi presentada esta selmana.

La temporada, qu’arrinca’l 27 d’ochobre, foi presentada esta mañana en rueda de prensa pol conceyal de Cultura, Roberto Sánchez Ramos. La vienta de los abonos y de les localidaes para’l recital estraordinariu de Juan Diego Flórez, en mayu de 2019, yá tán a la vienta.

El conceyal de Cultura, Roberto Sánchez Ramos, presentó esta selmana la temporada 2018-2019 de los Conciertos del Auditoriu y Xornaes de Pianu Luis G. Iberni. El conceyal tuvo acompañáu del programador y responsable de los ciclos, Cosme Marina; el presidente de la Fundación Musical “Ciudá d’Uviéu”, Francisco González Álvarez-Buylla, ; la directora de La Nueva España, Ánxeles Rivero Velasco y el director de la Fundación EDP, Nicanor Fernández Álvarez.

El responsable municipal de Cultura destacó que los Conciertos y les Xornaes de Pianu Luis G. Iberni “son únicos nesti país, pola so calidá y la so inversión; anguaño, de 1.174.839 euros. L’añu pasáu asistieron a les xornaes 21.498 espectadores, con dellos llenos totales”.

Mientres la temporada 2018/2019, los conciertos nel Auditoriu Príncipe Felipe y les Xornaes de Pianu “Lluis G. Iberni” van celebrar dos ventiavos aniversarios: el del Auditoriu, escenariu de los recitales, y el de la Orquesta Uviéu Filarmonía.

El conciertu inaugural del 27 d’ochobre va correr al cargu del tenor Gregory Kunde, cola Orquesta Uviéu Filarmonía y el director Christopher Franklin y les xornaes de pianu Lluis G. Iberni van entamar el 7 de payares, cola pianista vasca Judith  Jáuregui, xuntu al Cuartetu Singnum, mes nel que tamién ta prevista l’actuación de la Filarmónica de Luxemburgu, dirixida por Gustavo Gimeno, cola violinista Vilde Frang. El pianista Piotr Anderszweski va actuar tamién nestes feches.

  Categories:
Loading Facebook Comments ...