Los conciertos 33600 van enllenar de música de distintos xéneros y estilos les cais de Mieres mientres les fiestes de San Xuan

by asturnet | mayo 30, 2019 10:55 am

El ciclu de conciertos 33600 de Música na Cai va enllenar de música de tolos estilos y pa tolos gustos y públicos les cais de Mieres mientres les próximes fiestes de San Xuan. En concretu, ente los díes 14 y 23 de xunu.

Esa segunda quincena del mes de xunu, el rock, el blues, el jazz, el fado o la electrónica van tener un buecu importante na programación festiva, con una ventena d’actuaciones que destaquen pola so pluralidá y tamién pol papel destacáu que se da a los grupos locales, que van protagonizar nueve d’estos conciertos.

El ciclu 33600 foi entamáu poles conceyalíes de Festexos y Cultura y foi presentáu esta selmana cabera de mayu pol conceyal de Cultura, Juan Ponte, que tuvo acompañáu por Miguel Rodríguez, de Stonecutters, y Christian Álvarez, de Another Machines. “Nel marcu de les fiestes de San Xuan queremos qu’haya música plural pa dar respuesta a la pluralidá de gustos musicales de les vecines, los vecinos y la xente que nos visita mientres estos díes festivos”, señaló’l conceyal, que destacó tamién la calidá de les actuaciones programaes y el diseñu del cartelu, al cargu d’otru mierense, Héctor Castañón “OSSOBÜKO”.

Los conciertos programaos nel Ciclu 33600 de Música na Cai son los siguientes:

Source URL: http://asturnews.com/los-conciertos-33600-van-enllenar-de-musica-de-distintos-xeneros-y-estilos-les-cais-de-mieres-mientres-les-fiestes-de-san-xuan/