Los conciertos 33600 van enllenar de música de distintos xéneros y estilos les cais de Mieres mientres les fiestes de San Xuan

Los conciertos 33600 van enllenar de música de distintos xéneros y estilos les cais de Mieres mientres les fiestes de San Xuan
30 mayu 10:55 2019 Imprimir

El ciclu de conciertos 33600 de Música na Cai va enllenar de música de tolos estilos y pa tolos gustos y públicos les cais de Mieres mientres les próximes fiestes de San Xuan. En concretu, ente los díes 14 y 23 de xunu.

Esa segunda quincena del mes de xunu, el rock, el blues, el jazz, el fado o la electrónica van tener un buecu importante na programación festiva, con una ventena d’actuaciones que destaquen pola so pluralidá y tamién pol papel destacáu que se da a los grupos locales, que van protagonizar nueve d’estos conciertos.

El ciclu 33600 foi entamáu poles conceyalíes de Festexos y Cultura y foi presentáu esta selmana cabera de mayu pol conceyal de Cultura, Juan Ponte, que tuvo acompañáu por Miguel Rodríguez, de Stonecutters, y Christian Álvarez, de Another Machines. “Nel marcu de les fiestes de San Xuan queremos qu’haya música plural pa dar respuesta a la pluralidá de gustos musicales de les vecines, los vecinos y la xente que nos visita mientres estos díes festivos”, señaló’l conceyal, que destacó tamién la calidá de les actuaciones programaes y el diseñu del cartelu, al cargu d’otru mierense, Héctor Castañón “OSSOBÜKO”.

Los conciertos programaos nel Ciclu 33600 de Música na Cai son los siguientes:

  • Vienres 14 de xunu. 21 hores. Plaza Requexu. The Jungle Fevers (Rockabilly).
  • Sábadu 15 de xunu. 14.30 hores. Calle Jerónimo Ibrán. Maraya Zideco (Blues con acordión).
  • Sábadu 15 de xunu. 20 hores. Cai La Vega. Los Matures (Garaxe rock).
  • Sábadu 15 de xunu. 21 hores. Requexu. Halimak (Rock progresivu).
  • Domingo 16 de xunu. 13.30 hores. Calle Fernández Cabeza. Latxusma (cabaré cotidianu).
  • Domingo 16 de xunu. 19 hores. Parque Xovellanos. Mercuriu Son, con Bonaventura (Rock), Joel Jefferson Stalin (Folk, Psychs, Brit Pop), Stonecutters (Punk Rock) y Gruesome Stuff Relish (Death Metal/Grind).
  • Vienres 21 de xunu. 20 hores. Calle Fernández Cabeza. Hiding Presta Tríu (Jazz).
  • Vienres 21 de xunu. 21 hores. Calle Jerónimo Ibrán. Viaxeros del Swing (Jazz/Swing años 30).
  • Vienres 21 de xunu. 23.30 hores. Plaza la Constitución. Another Machines (Electrónica).
  • Sábadu 22 de xunu. 13 hores. Cai La Vega. Puppy’s Cuentacuentos (cuentacuentos musical).
  • Sábadu 22 de xunu. 14 hores. Requexu. Coru Mineru de Turón (coral).
  • Sábadu 22 de xunu. 20 hores. Calle Fernández Cabeza. Vázquez (Cantautor Folk/Rock).
  • Sábadu 22 de xunu. 21 hores. Calle Jerónimo Ibrán. Macavera (Pop).
  • Domingo 23 de xunu. 14 hores. Cai La Vega. Iria Estévez (Fado).
  • Domingo 23 de xunu. 19 hores. Cai La Vega. Zona Norte (Rap Sesion Free Style).
  • Domingo 23 de xunu. 20 hores. Calle Fernández Cabeza. La nueche más llarga (Rock/Folk).
  • Domingo 23 de xunu. 21 hores. Calle Jerónimo Ibrán. La Malquerida (boleru/Swing/Jazz Manouche).
  Categories:
Loading Facebook Comments ...