Los colexos públicos valencianos van tener que respetar el nome y vestuariu qu’escueyan los alumnos transexuales

Los colexos públicos valencianos van tener que respetar el nome y vestuariu qu’escueyan los alumnos transexuales
30 avientu 08:47 2016 Imprimir

Los colexos valencianos públicos van aplicar un protocolu impulsáu pola Conselleria d’Educación de la Generalitat que va dexar que los alumnos transexuales o interxéneru puean escoyer el nome col que quieren que se dirixan a ellos, según la indumentaria que quieren llevar o les instalaciones que deseyen utilizar.

La Conselleria d’Educación, Investigación, Cultura y Deporte creó’l protocolu d’acompañamientu pa garantizar el derechu a la identidá de xéneru, la espresión de xéneru y la intersexualidad nos centros educativos, una midida qu’entraba esta selmana a valir cola publicación nel Diari Oficial de la Generalitat Valenciana (DOGV) y que va activase darréu nos centros educativos públicos, pudiendo acoyese tolos demás a los que-yos preste.

La finalidá d’esti protocolu, esplica l’alministración educativa al traviés d’un comunicáu, ye “favorecer la inclusión educativa, asumir la igualdá y la diversidá como valores capitales ya irrenunciables, de forma que toles persones que conformen la comunidá educativa respeten y faigan respetar los derechos humanos”. Por eso, “va ser imprescindible facilitar la construcción de la so identidá y la participación activa na vida del centru, de forma que sienta la pertenencia real al grupu d’iguales, al centru y a la redolada”, añeden.

  Categories: