Los colexos católicos van informar a la Fiscalía de casos d’abusos sexuales

Los colexos católicos van informar a la Fiscalía de casos d’abusos sexuales
21 marzu 10:35 2019 Imprimir

Los colexos católicos van informar a la Fiscalía de casos d’abusos sexuales tres del establecimientu del protocolu d’actuación énte casos d’abusos sexuales ellaboráu pola patronal de centros d’educación alcordada Escueles Católiques.

Informar sobro los abusos a la Fiscalía porque ye «más cenciellu y afayadizo que denunciar», creer a la víctima inclusive en delitos prescritos y abrir un procesu canónicu al relixosu que cometiera los abusos que pueda terminar na so espulsión o, directamente, despidir al profesor non relixosu. Son dalgunos de los puntos del protocolu d’actuación énte casos d’abusos sexuales ellaboráu pola patronal de centros d’educación alcordada Escueles Católiques.

L’asociación Escueles Católiques, qu’arrexunta a más de 2.000 centros educativos de toa España nos que más de 82.000 docentes dan clase a 1.204.179 alumnos, representa’l 58% de la enseñanza alcordada. El pasáu miércoles unvió a tolos sos directores un decálogu d’actuación énte casos d’abusos sexuales a menores que sorraya la obligación llegal de «poner en conocencia de les autoridaes» cualquier dañu a un menor informando directamente a la Fiscalía o, si esto nun ye posible, dirixiéndose a la Policía Nacional o la Guardia Civil. «Esisten dos posibilidaes», matiza’l documentu, «denunciar o comunicar». Esto últimu, «en munches ocasiones, ye xuna vía más senciella y fayadiza».

«Los fechos d’abusu sexual a menores nun tienen de callar se nin tapase nin ser subestimados en nengún casu», resalta l’escritu, qu’establez tamién que les persones que repararen nicios o recibieren xuna denuncia d’abusos tendrán de comunicalo a la dirección «preferiblemente antes de 24 hores». Coles mesmes, los responsables del colexu tendrán d’acoyer a la víctima «ensin xulgar nin pidir detalles morbosos». Van Tener que llamar al 112 si hai mancadures y ufiertar ayuda psicolóxica al alumnu.

El protocolu contempla la creación d’un Comité de Crisis que podría tar integráu pol director del centru, superior provincial, director, obispu o un vicariu, un abogáu y un psicólogu. Escueles Católiques encamienta comunicar la crisis condergando los abusos y pidiendo perdón y reforzar les midíes preventives, según «reconocer a les víctimes tantu si confírmase l’acusación como si non.

  Categories: