Los clubes de llectura d’Avilés participen nun alcuentru con Siri Hustvedt

Los clubes de llectura d’Avilés participen nun alcuentru con Siri Hustvedt
15 ochobre 12:00 2019 Imprimir

Esti martes 15, los clubes de llectura d’Avilés participen nun alcuentru con Siri Hustvedt, premio Princesa de les Lletres, nuna conferencia que lleva por títulu “Xenuinu interés”, nel marcu de la Selmana de los Premios Princesa d’Asturies.

Los clubes de llectura de la Biblioteca Bárganos Candamo y “Una habitación propia”, fueron convidaos a participar nel alcuentru cola escritora Siri Hustvedt, postrera galardonada col Premiu Princesa d’Asturies, que va tener llugar esti martes, a les 19.30 hores nel Palaciu d’Esposiciones y Congresos d’Uviéu. Acompañará-yos la concejala d’Igualdá d’Avilés, Lucía Fernández Ron.

Sol títulu de “Xenuinu interés”, tratase d’unu de los actos entamaos por cuenta de la Selmana de los Premios Princesa d’Asturies, que van rematar cola ceremonia d’entrega’l sábadu 19 nel Teatru Campoamor d’Uviéu. Al pie de el llectores y el llectores avilesines van participar más de 1.700 llegaos de toa España, nun actu que va conducir la periodista Inés Martín Rodrigo, nel que se va repasar la trayectoria de l’autora.

Van ser alredor d’un centenar los integrantes de los dos clubes de llectura d’Avilés, qu’entamen les conceyalíes de Cultura y d’Igualdá, los que se van sumar a los alredor de mil que van participar nel actu procedentes de toa Asturies, y a los 600 más que van llegar de Cantabria, Castiella-La Mancha, Castiella y Llión, Galicia, Navarra, País Vascu y Murcia. En total, 142 clubes, 67 d’Asturies y 75 d’otres comunidaes.

El club de llectura de la Biblioteca Bárganos Candamo dedicó la so sesión inaugural del so nuevu ciclu, el pasáu martes 8 d’ochobre, a tratar la obra de la novelista, ensayista y poeta estadounidense, que se caracteriza pol so fondu analís de la sociedá actual y el fenómenu artísticu, con tintes autobiográficos.

Siri Hustvedt foi reconocida pol xuráu de los Premios porque “la so obra ye una de les más ambicioses del panorama actual de les lletres. Incide en dalgunos de los aspeutos que dibuxen un presente convulso y esconcertante, dende una perspectiva de raigañu feminista”.

  Categories: