Los Centros Socioculturales d’Avilés programen 74 actividaes hasta xunu

Los Centros Socioculturales d’Avilés programen 74 actividaes hasta xunu
12 febreru 09:20 2020 Imprimir

La programación preparada pola conceyalía de Cultura pa los Centros Socioculturales d’Avilés asitia a la infancia nel centru. Van Ser cinco intensos meses, hasta xunu, con nada menos que 74 actividaes, que na so mayoría van tener como destinatarios tanto les neñes y los neños como’l públicu familiar.

La primera de les actividaes ya se foi a ufiertr el vienres 7 de febreru, col Taller pa Interpretar y Cantar”, nel Centru de Los Canapés y agora van seguir más de 70 actividaes.

Les propuestes, siempres gratuites, fueron escoyíes a partir de criterios calidables y vanguardistes, y pol so valor pedagóxico y educativo conxugaos cola diversión y l’entretenimientu. Como exemplu, “Celeste”, teatru de solombres creáu pola compañía asturiana Lluz, Micro y Puntu, galardonáu’l pasáu vienres colos Premios OH! 2020 al Meyor Espectáculu para la Infancia y a la Meyor Composición Orixinal.

Los títeres, el teatru familiar y los cuentacuentos destaquen nuna programación qu’inclúi talleres d’animación a la llectura, bebecuentos, cuentacuentos n’inglés y la novedá d’un taller d’interpretación, que podrán esfrutase nos centros de Los Canapés en Versalles, La Lluz, La Carriona y la Biblioteca Bárganos Candamo.

El públicu adultu tamién caltien el so espaciu, con una nueva edición de la XIV Amuesa de Teatru Amateur d’Avilés, toa una referencia n’Asturies de la siempres activa escena que promueven les compañíes non profesionales, col so epicentru nel Teatru del Centru Cultural de Los Canapés en Versalles. Van Ser siete les obres que se van representar, toes a les 19.00 hores, con entrada llibre hasta completar l’aforu del auditoriu.

Más información