Los centros de la Quinta Avenida de Nueva York abrieron les sos puertes de baldre

Nueva York quier abrir la so cultura al mundu y a los ciudadanos. Por eso, a lo llargo del miércoles pasáu, les puertes de dalgunos de los museos más famosos de la ciudá, en concretu los de la Quinta Avenida, abrieron de baldre les sos puertes. Una esperiencia que tien de repetise nel futuru.

Del Metropolitan Museum of Art (Met) al Guggenheim, pasando por seis museos más asitiaos na transitada avenida participaron nel festival añal de la Milla de los Museos’. Por que los visitantes esfrutran de mayor comodidá, cerrose’l tráficu dende la cai 82 a la 105 y nel so asfaltu asitiáronse músicos, actividaes rellacionaes col arte para neños y vendedores de comida ente les 18.00 y les 21.00 hora local.

Nesta edición l’anfitrión del eventu foi’l Met -que la so entrada normal pa los non residentes cuesta 25 dólares-, y el muséu ufiertó cunta-cuentos, ente otres actividaes. Amás, na so plaza celebrose un espectáculu de títeres y depués otru de jazz.