Los archivos fotográficos de “Telefónica” amuesen l’Asturies de los años 20 n’Avilés

by redacción asturnews | junio 7, 2018 10:30 am

El Muséu de la Hestoria Urbana d’Avilés  acueye esti branu la esposición “Tresformamientos. Asturies y l’España de los años venti nos arquivos fotográficos de Telefónica” que va poer visitase hasta’l 2 de setiembre y forma parte del programa d’actividaes col que’l Muséu participa na Nueche Blanca esti vienres 8.

El Muséu va amosar fotografíes realizaes ente 1924 y 1931 que dexen ver a les clares el tresformamientu d’España, con especial pesu de les correspondientes al territoriu asturianu. Ta entamada pola conceyalía de Cultura d’Avilés y la Fundación Telefónica.

Una repasada a una España y a una Asturies extinta y en tresformamientu. Un viaxe al pasáu, a les décades de 1920 y 1930, al traviés de les fotografíes que formen parte del patrimoniu documental de Telefónica, ye lo que propón la esposición “Tresformamientos. Asturies y l’España de los años venti nos arquivos fotográficos de Telefónica”, que s’inaugura mañana xueves 7 de xunu, a les 12.30 hores, nel Muséu de la Hestoria Urbana d’Avilés. Va Ser unu de los platos fuertes de les actividaes de la Nueche Blanca propuestes pol muséu pa pasao mañana y, entamada pola Fundación Telefónica cola collaboración de la conceyalía de Cultura d’Avilés, podrá vese hasta’l 2 de setiembre.

Telefónica d’España nació na década de 1920 y pa documentar el so trabayu, y cómo esti camudaba la fisionomía del paisaxe del país, colos tendíos telefónicos, y de les ciudaes, coles nueves edificaciones acomuñaes a la empresa (centralitas, llocutorios, sedes…) dende la compañía decidió contratase a los meyores fotógrafos de la dómina, que consiguieron tresmitir la noción de modernidá y progresu acomuñada a les telecomunicaciones. El trabayu axuntó más de diez mil imaxes, güei archivaes y digitalizadas pola Fundación Telefónica, de les que’l Muséu de la Hestoria Urbana d’Avilés va amosar na esposición dalgunes de les más significatives, con especial incidencia nes relatives a Asturies.

Al pie de los documentos gráficos, inclúyense pieces del patrimoniu históricu de Telefónica, dende teléfonos a ferramientes de trabayu de telefonistes y técnicos, ya inclusive xuna guía de teléfonos d’Asturies de 1938, cola parte correspondiente a Avilés.

La esposición forma parte del programa d’actividaes de la “Nueche Blanca” y con tal motivu’l día d’apertura al públicu de la mesma, el 8 de xunu, va disponer d’un horariu especial ente les 16 y les 22 hores. Inclúyense visites empuestes pa tolos públicos, previa inscripción en avilesnocheblanca@telefonica.com. Coles mesmes, mientres tardar van desenvolvese talleres infantiles ente les 17 y les 19 hores.

La esposición va tar espuesta hasta’l 2 de setiembre, nos horarios habituales del Muséu de la Hestoria Urbana d’Avilés, de martes a vienres de 10.30 a 13.30 y de 16 a 20 hores; los sábados, de 11 a 13.30 y de 16 a 20 hores, y los domingos y festivos de 11 a 13.30 hores, con accesu llibre y gratuitu.

Source URL: http://asturnews.com/los-archivos-fotograficos-de-telefonica-amuesen-lasturies-de-los-anos-20-naviles/