Emigración Los alumnos del programa ALAS finaron la so estancia n’Asturies con un actu na Universidá by asturnet 19 de xunu, 2007 written by asturnet 19 de xunu, 2007 35 La primer promoción de becarios del programa d’ayudes ALAS, empobináu a universitarios americanos descendientes d’emigrantes asturianos, pusó ayeri puntu y final a la so estancia n’Asturies y a la so esperiencia universitaria nel Principado. Nun actu cellebráu na sala de prensa del Edificiu Hestóricu de la Universidá d’Uvieu, los alumnos que se beneficiaron nesta primer vegada de los sofitos del programa ALAS quisieron mostrar la so gratitud hacia los responsables del programa, a l’Universidá y al Gobiernu del Principáu d’Asturies, sobre manera a l’Axencia d’Emigración. Seis de los siete alumnos que formaron la primer fornada d’estudiantes d’esti programa pioneru nel ámbitu de la educación participaron nel actu de despedida xunto col rector Juan Vazquez, el Vicerrector de Rellaciones Internacionales de l’Universidad, Francisco Javier Mato, el Conseyeru de Xusticia, Seguridá Pública y Rellaciones Esteriores, Francisco Javier García Valledor, la Conseyera de Cultura, Ana Rosa Migoya, el Director de l’Axencia Asturiana d’Emigración, Luis Miguel Fernández Romero, y la Directora del Institutu Asturianu de la Xuventú, Carmen Barrera. El rector de la Universidad d’Uvieu, Juan Vazquez sorayó durante la so intervención, que proyectos como’l programa ALAS constituyen unes de les meyores polítiques que se puen facer por Asturies y pidio-yos a los estudiantes participantes “qu’actuen como difusores y embaxadores de l’Universidá d’Uvieu nos sos países d’orixen”. Vazquez quiso agradecer al Gobiernu del Principáu les facilidaes que yos prestaron en tou momentu para poder sacar alantre’l proyectu y confíó en que “la segunda edición d’esti programa cuente con mayor difusión y un mayor númberu d’estudiantes”. Valledor pola so parte, admitió que nestos cuatro años de trabayu cola emigración deprendió lo que ye querer a Asturies pese a la distancia y el vraeru significáu de la señaldá. El Conseyeru de Xusticia, anguaño en funciones tamien quiso espresar la so satisfacción pol esitu del prgrama ALAS ya que yera un de los oxetivos que’l so partíu había marcao al entamu de la llexisllatura. L’actu sirvió pa presentar la nueva convocatoria de sofitos del programa pal cursu 2007-2008. Pa esta nueva edición, el vicerector de Rellaciones Internacionales de l’Universidá, Francisco Javier Mato anunció importantes novedaes ya que la estancia de los estudiantes nun se va llimitar a un cuatrimestre sino a un cursu lectivu completu. Por otra parte van ufiertase 10 ayudes de 2000 euros pa gastos de viaxe con estancia gratuita na residencia “Ramón Menendez Pidal” d’Uvieu, y cinco ayudes para viaxe y manutención de 3500 euros. A estos sofitos, cuyu plazu pa presentar la solicitud fina’l prósimu 20 de Xunu, van poder optar todos aquellos solicitantes que sían descendientes d’emigrantes asturianos y que estudien nuna universidá americana con voluntá d’amestase al protocolu de collaboración del Principáu d’Asturies y l’Universidá d’Uvieu. 0 FacebookTwitterPinterestEmail Anterior Nast reclama a Izquierda Xunida la oficialidá del asturianu que prometió públicamente siguiente Yá se conocen los actos de la XI Fiesta de la Oficialidá de la Llingua Asturiana de Bimenes Tamién te podria gustar Educación suspende una charra pa profesores sobro alumnos... Proyéctase en La Pola la película “La plomada” Hevia presentó en Lorient dos años de la... Iniciativa abre una nueva edición de los sos... Xinebra celebró’l Día de les Lletres El Centru Asturianu de Sevilla echa sidra solidaria Los asturianos de São Paulo celebren so tradicional... Asturies abre’l ciclu de cine turísticu Spanien, ein... IX sofita pla plataforma REALCE de defensa de... El Centru Asturianu de Madrid anuncia los sos...