Portada Educación Los alumnos de segundu de Bachilleratu van volver a clase con mázcaru’l 4 de xunu

Los alumnos de segundu de Bachilleratu van volver a clase con mázcaru’l 4 de xunu

by redacción asturnews

Asturies quier que los alumnos de segundu de Bachilleratu, los de segundu de FP y los de cuartu d’ESO puedan volver a les clases (o tutoríes, en dellos casos) presenciales. Y fadríenlo si asina lu deseyen, a partir del 4 de xunu.

El primer xueves de xunu la fecha que señaló la conseyería, en dándose un marxe desque’l Gobiernu aprobó la entrada d’Asturies na fase 2 de la desescalada, lo que da a la comunidá ‘permisu’ pa flexibilizar les midíes n’enseñanza. Quería la conseyería esperar a esi pase oficial y ellaborar el so propiu resolvimientu, que se fixo pública na tarde d’ayeri, en axuntándose mientres tola xornada con numberosos miembros de la comunidá educativa.

El documentu espardíu esti llunes 25 afita la fecha del 4 de xunu, pero tamién señala’l cómo. Y ye ende onde d’equí p’arriba xuega un papel bien importante la responsabilidá individual. «De nada valdríen los nuesos esfuerzos pa intentar garantizar el derechu a la educación nes citaes condiciones si pa ello punxéramos en riesgu la salú del alumnáu y/o de el trabayadores y trabayadores, docentes y non docentes», diz la conseyería, que ruega «encarecidamente a les families y a tola comunidá educativa que faiga un esfuerzu pa cumplir y faer cumplir toles midíes de seguridá y d’hixene qu’encamienten les autoridaes sanitaries en visu a nun comprometer la salú de les persones».

Y les midíes de seguridá pasen, de primeres, por roblar una declaración responsable, los padres o’l mesmu alumnu en casu de ser mayor d’edá. En dichu documentu, certifiquen que l’estudiante allega de forma voluntaria a la clase presencial; que se-y controla la salú a diariu en casa y allega ensin fiebre; que son conocedores de toles midíes de seguridá y comprométense al so «estrictu cumplimientu». Eso inclúi tomar la temperatura en casa a diariu, antes d’allegar a clase, y dir provistu de mázcaru «y utilizala de forma correcta, tapando ñariz, boca y cazu».

Amás, nos centros va haber que guardar los dos metros de distancia interpersonal y siguir toles instrucciones pa les entraes y salíes y pa circular pel centru. Los equipos directivos son los encargaos d’entamar los itinerarios, les llegaes gradiaes, de qu’haya xel hidroalcohólico en toles estancies y decidir qué aules, baños y espacios comunes van utilizase.

La conseyería estableció los casos nos que los docentes son consideraos ‘especialmente sensibles’ (mayores de 60, embarazaes…) y caltiénense les esceiciones por conciliación familiar. Y ordenó instalar mampares nos llugares d’atención al públicu (les families tienen de pidir cita previa p’allegar), según señalizar los llugares polos que caminar. Les entraes y salíes van ser ordenaes, en files, calteniendo los dos metros y gradiaes si fuera necesariu. Nel casu de los alumnos de cuartu d’ESO que tuvieren derechu a una beca de tresporte pa movese, van poder pidir una ayuda.

Tamién te podria gustar