Los 10 años de L’Arribada continúen celebrándose esta selmana

25 15:15 2015 Imprimir

La cellebración de los 10 años de L’Arribada continúa esta semana cola proyección de la película El rostru impenetrable y la presentación d’ Una esperanza en el vacío, de Miguel López García.

El primeru de los actos, que cuenta cola collaboración de l’ Asociación de Vecinos de San Emiliano de Vega y el sofitu del Ayuntamientu de Gijón/Xixón, desenvuélvese esti xueves 26 de payares a les 19,30 hores, nel Salón Parroquial de La Vega (Xixón) y consiste na proyección de la película El rostro impenetrable, protagonizada por Marlon Brando.

Trátase del doblaxe n’asturianu del llargumetraxe míticu One-Eyed Jacks; un wester de 1961 dirixíu y protagonizáu por Marlon Brando, al que tamién fai compaña l’actor Karl Malden. Nun principiu entamó a dirixilu Stanley Kubrick, masque tres dellos meses diba ser despedíu por desalcuerdos con Brando, m’acabo dirixendo’l filme. L’actriz Rosita Moreno collaboró como asesora téunica. En xunetu de 1961 recibió la Concha d’Oru nel Festival Internacional de Cine de Donosti.

Dobláu al asturianu por GonzaliProducciones, estrenólu la Televisión del Principáu d’Asturies (TPA) el 27 d’avientu de 2013. Illán Gonzali dirixó y produció esti versionáu, con un repartu de más de venti actores de doblaxe, ente ellos Carlos Novoa (Marlon Brando), José Antonio Lobato (Karl Malden), Ana Blanco Rozada, Ana Díaz Morán, Andrés Presumido, Alberto Rodríguez, Silvino Torre, Lluis Antón González, Carlos Alba, Olga Cuervo, Ángel Héctor Sánchez y Eladio Sánchez.

Per otru llau, esti vienres 27 de payares a les 20 hores, nel Salón d’ Actos del Muséu del Ferrocarril d’Asturies (Xixón), va facese la presentación  d’ Una esperanza en el vacío, novela de Miguel López García. Trátase de la novela última d’esti escritor, que yá presentara enantes en L’Arribada otres dos obres, Sucedió aquí en 2011 y Cuando la bruma se desvanece en 2013. Una nueche d’insomniu da pasu al comienzu d’esta novela de gran ritmu, que’l so argumentu va ente la pantasía infantil y la más cruel de les realidaes del mundu actual. El rellatu, midíu perfechamente, conduz a Luis, el protagonista, a un perfondu abismu esistencial, de la man de la so nietina. L’autor xuega en tou momentu col tiempu narrativu, amosando les consecuencies de cada ún de los fechos vivíos pol personaxe central.

Miguel López García (Barres, 1954) tien ganao los premios Dulce Chacón de Novela Corta 2010 y Zayas de Novela Corta 2012, siendo finalista del Premio de novela corta Ciudad de Noega 2008, del Premio de Novela Ciudad de Almería 2012, y del Premio Concejo de Siero de Novela Corta 2012.

Un esperanza en el vacío ye un llibru que cuenta con pintura y diseñu de cubierta realizaos por Edgar Plans y editólu Carmen Casal Comunicación y Ediciones. Nel actu van intervenir, amás del autor, l’alcalde de Castropol José Ángel Pérez García, el pintor Edgar Plans, l’escritor Miguel Mingotes y la editora Carmen Casal. La coordinación d’esta actividá ta al cargu del escritor y xestor cultural Humberto Gonzali.

Loading Facebook Comments ...