Lorient 2007 Lorient algama en 2007 un bon balance económicu y artísticu de la man de Lisardo Lombardía by asturnet 17 d'agostu, 2007 written by asturnet 17 d'agostu, 2007 70 Con un perbonu balance artísticu y económicu y 650.000 participantes, el primer añu de Lisardo Lombardía como direutor del Festival de Lorient (FIL) fina ente alabancies y el fechu evidente de que s’afita nel Festival Intercélticu más importante d’Europa la profesionalidá na so xestión. Ciento cuarenta mil entraes y sesenta y cinco mil espectadores nel Gran Desfile de les Nacioens Celtes son cifres qu’amuesen l’ésitu económicu y de participación del FIL 2007, que tuvo a Escocia como país invitáu. A pesar de la redución nes subvenciones del Estáu de 37.000 euros y de la necesidá de nun cellebrar una Nueche Máxica’l sábadu 11 por coincidir col campeonatu de la lliga de fútbol frances, el festival registró un ésitu de públicu como nun se vía dende había años. L’añu de Escocia Con un presupuestu de 450.000 euros, el gobiernu escocés punxo esti añu los medios económicos afayadizos pa llograr un ésitu nel so pasu per Lorient. Escocia ufrió una cara enforma moderna de la so cultura proponiendo una programación musical de calidá, con Capercaillie,The Unusual Suspects, The Red Hot Chilli Pipers, Darien project o the Whistlebinkies ensin escaecese de les Bandes de Gaites y les sos danzantes tradicionales. Munches animaciones de la casa – cursos de dances, prebes de whisky o conciertos completaron la so presencia nel festival. <p>Acontecimientos excepcionales El cartelu de completo pa los conciertos nel Espace Marine de Laurent Voulzy que recibió na escena a Alan Stivell y Dan Ar Braz, o de la Bagad de Lann-Bihoué que celebró los sos 55 años xunta Alain Souchon. Y conciertos como’l de Sinead O Connor que presentó’l so nuevu álbum brillaron xunta’l decubrimienru de los “nuevos talentos del sur” como nomen eufemísticamente a los asturianos y a los gallegos: Fiar Na Roca, la moza gaitera Andrea gallego Fernandez o Tejedor y Corquieu foron ensalzaos abondo pola crítica y la prensa amás d’aplaudíos pol públicu, qu’enllenó les sos actuaciones. L’añu entrante, el Festival va desendolcase del 1 al 10 d’agostu y va tener como invitáu a País de Gales. 0 FacebookTwitterPinterestEmail Anterior El Premiu al Pueblu Exemplar d’Asturies 2007 xunta 21 candidatos siguiente Presentaos en Llanes “Dos estudios etnográficos sobre el Oriente de Asturias (1920-1921)” Tamién te podria gustar La Xunta prepara una clas na cai pa... El programa “Al Aldu” cambia d’imaxe y horarios Traducen al inglés el llibru Xilu tien mieu... Últimos díes pa matriculase nel Máster en Xestión... Toni Zenet fusiona xéneros na Plaza Mayor de... Recueyen nun mapa toles pumaraes d’Asturies Ribeseya sigue colos actos de la so III... Asturies nun va presentase definitivamente como candidata a... Toli Morilla toca esti sábadu en La Pola... Los ganadores del Meyor Blogue nasturianu 2009 van...