Portada Festival de Lorient Lorient abre esti sábadu con Asturies les principales actuaciones del programa

Lorient abre esti sábadu con Asturies les principales actuaciones del programa

by redacción asturnews

El gaiteru asturianu José Angel Hevia va ser l’encargáu d’abrir esti sábadu la participación asturiana nel Festival de Lorient, con un conciertu empobináu a enrraigonar cola emigración la música tradicional. Hevia ye la primera les figures asturianes qu’integra’l cartelu de la 47 edición del festival intercélticu, qu’anguaño ta dedicáu a Escocia.

El Festival Intercélticu de Lorient (Bretaña) entamaba esti vienres, 4 d’agostu, celebrando so 47 edición la música cola cultura d’Escocia como referente que nunca falló en tola hestoria del eventu, según desplicó’l so director, l’asturianu Lisardo Lombardía. El gaiteru asturianu José Ángel Hevia, la intérprete escocesa Amy Macdonald y el pernomáu Capercaille, el veteranu grupu francés Tri Yann y los francu escocés The Celtic Social Club van ser dalgunos de los invitaos especiales anguaño, con otros representantes asturianos destacaos como Dixebra,

El festival va desenvolvese hasta’l 13 d’agostu y va acoyer a 219 grupos y más de 2.000 músicos en 12 escenarios, a la gueta d’un equilibriu ente la música más vanguardista y la tradición.Amás de la música, el festival acueye otres manifestaciones y actos centraos na cultura del mundu célticu qu’entemecen pasáu y modernidá. Nel programa tán previstes conferencies de calter históricu, una esposición d’arte contemporaneo sobro la vida actual n’Escocia o numberoses proyecciones cinematográfiques amestaes a tolos países que participen nel eventu, ente otros momentos.

Na xornada d’esti sábadu 5 d’agostu, Asturies entama tamién la so participación col gaiteru Vicente “El Pravianu” na MasterClass de Gaita que se desenvuelve a les 10 de la mañana nel Palaciu de Congresos de Lorient, l’apertura de la esposición coleutiva Celtic Art nel Hotel Gabrielle, na que participa l’artista asturiana María Peña, y col concursu Mc Crimmon de Gaita Solista, nel que compiten tradicionalmente cuatro gaiteros asturianos y cuatro gallegos pol troféu que lleva’l nome del whisky que lu patrocina.

 

Dende la so creación en 1971 col nome de Fiesta de les Gaites, l’eventu celebra la cultura de los pueblos célticos como Bretaña, Irlanda y Escocia, pero tamién otres rexones como Asturies y Galicia, n’España, o’l País de Gales y Cornualles.

Esti añu, el festival va emprestar una atención especial a la seguridá, pola mor del estáu d’emerxencia que vive’l país dende los atentaos terroristes del 13 de payares de 2015. Por causa de la dificultá añedida de controlar un eventu abiertu que se celebra en tola ciudá, la organización va realizar controles de seguridá p’aportar a los actos a pidimientu de les autoridaes.

Tamién te podria gustar