‘Loreak’ escoyida candidata a los Oscar

29 setiembre 12:16 2015 Imprimir

Loreak, la primer película filmada íntegramente n’euskera en participar nel Festival de Donostia, foi la escoyida pola Academia de Cine pa representar a España nos próximos Oscar.

Nel primer tramu de la selección, Loreak ganó a les otres dos preseleccionaes per España: Magical girl, de Carlos Vermut, y Felices 140, de Gracia Querejeta. La 88ª edición de la gala celebrarase’l 28 de febreru de 2016.

Jon Garaño (San Sebastián, 1974) y Jose Mari Goenaga (Ordizia, Gipuzkoa, 1976), apuntaben nel estrenu de Loreak: “Creemos que les hestories tienen de caltener l’idioma de los sos protagonistes”, daqué que nun pudieron respetar na so anterior película, 80 egunean (2010): queríen rodala en billingüe.

Los dos creadores querían rodar una película bilingüe, “igual que ye la nuesa realidá, na que s’entemecen dos idiomes, pero perdíamos asina ayudes y acabó siendo n’euskera. Foi traumático y perdimos una idea que nos paez interesante esquizar”.

En Loreak atopamos dos histories cruciaes de tres mulleres con sos vides tormentosamente alteriaes por unos ramos de flores: los protagonistes trabayen solos, zarraos en cabines de grúes o de peaxe d’autopistes, en casetes d’obra. “Les muyeres yá nun son fértiles o nun quieren tener fíos, el secañu apaez de fondu, ye una película sobre la incomunicación y la soledá”.

Dambos realizadores creíen nel so potencial pa cualquier públicu: “Salió asina, ensin más, ensin querelo. Escribimos sobre sentimientos universales, y pue que les muyeres y los homes nun teamos tan alloñaos”. Y afonda na incomunicación sobre les mentires y l’escuridá nes pareyes.

Loading Facebook Comments ...