Portada Fiestes Llunes de Antroxu n’Avilés con murgues, fanfarries y conciertu de Mago de Oz

Llunes de Antroxu n’Avilés con murgues, fanfarries y conciertu de Mago de Oz

by redacción asturnews

Esti llunes, 8 de febreru, celébrase’l “Llunes de murgues y fanfarries” dientro de la programación del Antroxu 2016, a partir de les 19 hores na plaza de Carlos Lobo. A les 23:30 h, Mago de Oz va actuar na Plaza d’España.

Esti llunes, 8 de febreru, celébrase’l Llunes de murgues y fanfarries” dientro de la programación del Antroxu 2016. A partir de les 19:00 hores, la plaza de Carlos Lobova convertir n’escenariu del Festival de Murgues, un espectáculu conducíu pol singular artista uvieín Rodrigo Cueves, qu’amás d’exercer como maestru de ceremonies del Festival va presentar el so show.

El que va ser maestru de ceremonies del Festival de Murgues autodefinese como “axitador folclóricu y sex symbol de la copla”. Mientres los sos particulares espectáculos y ‘performances’ desenvuelve un estilu únicu amiestu de tradición y modernidá, prevocación y cultura popular.

Anguaño va haber duelu de murgues ente formaciones como “Les viudines”, “La Pecera”, “La Hermandá” o “La Guaxa”, toes elles con esperiencia nesti festival por cuenta de la so participación n’años anteriores.

Tres esta cita, a les 21:30 hores, na plaza d’España, los avilesinos y avilesines van poner a baillar al son de la Orquesta Funçâo Públika, antes del platu fuerte de la nueche: el conciertu de Mägo de Oz. La plaza d’España d’Avilés va ser esti llunes, a partir de les 23:30 hores, l’escenariu nel que se dean cita los amantes del folk-rock y del heavy metal nacional. La banda madrilana Mägo de Oz fai escala n’Avilés dientro de la xira de presentación del so últimu llanzamientu: “Finisterra Ópera Rock”, una regrabación del doble álbum que más ésitos y reconocencies dio al grupu a empiezos del nuevu sieglu.

Mientres esta xira, Mägo de Oz ta desenvolviendo dos tipos de conciertos. Mientres nos destinaos a sales de conciertos, la banda interpreta “Finisterra Ópera Rock” de manera íntegra, les actuaciones n’espacios abiertos, como ye’l casu de la que va desenvolver n’Avilés, cunten con un repertoriu compuestu polos grandes ésitos que’l grupu llanzó a lo llargo de la so discografía, ente los que destaquen temes tan conocíes como “Fiesta Pagana”, “Molinos de Vientu” o “La Mariña del Silenciu”.

Antes y dempués de l’actuación de Mägo de Oz, la Orquesta Funçâo Públika amenizará una de les nueches con más ritmu del Antroxu avilesín.

  

Tamién te podria gustar