Llucha ente ‘Joker’, ‘L’irlandés’, ‘1917’ y ‘Érase una vegada en…Hollywood’ nos Oscar

by redacción asturnews | enero 15, 2020 8:11 am

Joker, con once nominaciones y Érase una vegada en…Holywood, L’irlandés y 1917, con diez caúna, lideren les nominaciones a los premios Oscar, según la llectura que dieron a conocer esti llunes los actores John Cho y Issa Rai. Dolor y Gloria foi escoyida como meyor película internacional y el so protagonista, Antonio Banderes, ta ente los cinco aspirantes al Oscar al meyor actor.

El cineasta manchegu celebró la nominación del so filme más íntimu y destacó que “ye’l broche final a la carrera de la película”. L’actor malagueñu tamién se pronunció sobro la so nominación nun comunicáu y estimó a l’Academia de cine de Hollywood y aseguró que “ye un honor compartir esta nominación colos compañeros que m’acompañen que fixeron unos magníficos trabayos. El llistón interpretativu ta bien alto y estimo de too corazón la oportunidá de tar nesta carrera pol Oscar”.

Pero a Almodóvar y Banderes xunióse-y una tercer baza española, la de la producción de Netflix Klaus, dirixida por Sergio Pablos, qu’opta a meyor película animada xuntu a Toy Story 4, Cómo entrenar al to dragón 3, la francesa I lost my body y Mr. Link. L’orixe perdíu. Otra de les sorpreses de la llectura haber deparáu Parásitos, la cinta d’humor negro surcoreana empobinada por Bong Joon-ho, qu’aspira a un total de seis estauínes doraes: meyor película, película internacional, director, guión orixinal, diseñu de producción y montaxe. Precisamente, Dolor y gloria va tener un tarrecible rival nesti fenómenu qu’afaró en taquilla y crítica. Les otres aspirantes son la francesa Los miserables, la macedonia Honeyland y la polaca Corpus Christi. The farewell, falada principalmente en chinu mandarín, y la gala Retrato d’una muyer en llapaes, quedaron fora de la carrera.

Tamién cunta con seis menciones la sátira sobro’l nazismu Jojo Rabbit, de Taika Waititi, d’estrenu esti vienres 17 de xineru y una de les sensaciones del pasáu festival de Toronto, onde se fixo col premiu del públicu. Igual collecha llogró Hestoria d’un matrimoniu, crónica d’un doliosu divorciu orquestado por Noah Baumbach. La so pareya na vida real, l’actriz y realizadora Greta Gerwig, llogró les mesmes nominaciones pa la so Muyerines, qu’actualiza’l clásicu de Louisa May Alcott. Nengún d’ellos va poder suañar col Oscar como meyor director. Nel so llugar figuren pesos pesaos como Martin Scorsese (L’irlandés), Tarantino (Érase una vegada..), Todd Phillips (Joker) y Sam Mendes (1917), según el mentáu Bong Joon-ho.

Source URL: http://asturnews.com/llucha-ente-joker-lirlandes-1917-y-erase-una-vegada-en-hollywood-nos-oscar/