Lletres Asturianes dedica’l so últimu númberu a les Xornaes d’Estudiu

23 marzu 00:56 2006 Imprimir

La revista Lletres Asturianes de l’Academia de la Llingua llega al so númberu 90 con una entrega dedicada a asoleyar dellos de los trabayos presentaos por diversos especialistes nes últimes Xornaes d’Estudiu. Ente los artículos d’investigación publicaos destaquen el firmáu por Ignaciu Llope embaxo’l títulu “Xuegos d’identidá na tierra Navia-Eo: un averamientu críticu” y del de Carmen Alen tituláu:”Algunas consideraciones sociolingüísticas sobre dos lenguas minoritarias: el occitano y el asturiano”.

Otros trabayos qu’apaecen nesti númberu de Lletres Asturianes son “El bable y los bablistas. La paya nel güeyu axenu. Un documentu de Matías Conde” de Rafael Rodríguez Valdés, “La reivindicación asturianista dende la emigración en Barcelona” de Iván Cuevas y “Un sainete del XVIII: ‘Los asturianos picados'” de Ramiro González Delgado.

Completen esti númberu 91 les avezaes secciones de Faza Lliteraria, onde’l profesor García Arias recupera un poema anónimu de 1848 y Daniel García Pedrayes publica delles versiones del poeta balear Joan Salvat-Pappaseit. El remate d’esta entrega pónenlu les Notes y Anuncies, con diverses reseñes de trabayos filolóxicos y noticies de variu calter sobre l’actualidá llingüística asturiana.

  Categories:
Loading Facebook Comments ...