Portada Sociedá Llegal Hackers Asturies tratará los derechos dixitales y la seguridá na rede

Llegal Hackers Asturies tratará los derechos dixitales y la seguridá na rede

by redacción asturnews

Entama esta selmana la primera edición de Llegal Hackers Asturies en Xixón, entamada por Ástur Valley col financiamientu d’Impulsa al traviés de la so llínea d’incentivos al desenvolvimientu del ecosistema empresarial.Nesta edición va falase de derechos dixitales y seguridá na rede.

L’oxetivu del eventu va ser conocer meyor esta tema dende trés puntos de vista: el xurídicu, el tecnolóxicu y el de negociu. Nesta ocasión cuntamos con Ofelia Tejerina, abogada esperta en nueves tecnoloxíes, y Modestu Álvarez, inxenieru informáticu espertu en seguridá. Con ellos aprendemos sobro derechos dixitales de los ciudadanos, conceutos básicos y bones práctiques de seguridá informática y a última hora, a movenos pola rede de forma segura y llegal. Cada ponente va faer una pequena ponencia d’unos 25 minutos y dempués vamos tener un espaciu pa les entrugues y l’alderique.

Pa la parte llegal cuntase con Ofelia Tejerina . Abogada esperta en derechos dixitales y miembru del Grupu d’Espertos en Derechos Dixitales del Ministeriu d’Enerxía, Industria y Axenda Dixital. Amás de profesora universitaria y miembru de l’Asociación d’Internautes dende 2006. Y de la parte tecnolóxica va falar Modestu Álvarez , inxenieru informáticu espertu seguridá de la Información ya informática forense en Sigea y fundador de la empresa Endel . Amás ye Vicedecano del CITIPA . En Twitter ModestoSTICC

Llegal Hackers ye un eventu abiertu a cualquier persona interesada nel encruz ente’l derechu y la tecnoloxía, dende abogaos hasta tecnólogos, pasando por estudiantes o curiosos.

Tamién te podria gustar