Portada Lliteratura Llega a les llibreríes una nueva entrega de la saga ‘Los Xuegos de la Fame’

Llega a les llibreríes una nueva entrega de la saga ‘Los Xuegos de la Fame’

by redacción asturnews

Llega a les llibreríes una nueva entrega de la saga ‘Los Xuegos de la Fame’, depués de que la productora Lionsgate confirmara tamién que yá trabaya na película de la última novela de Suzanne Collins.

La novela “Balada de páxaros cantores y culiebres”, la nueva entrega de la saga “Los Xuegos de la Fame”, de la escritora Suzanne Collins, llegó a les llibreríes españoles esti miércoles, diez años dempués de la publicación de la obra inaugural. Según informó la editorial barcelonesa RBA, la productora Lionsgate confirmó que yá trabaya na película d’esta nueva entrega.

En “Balada de páxaros cantores y culiebres” los llectores realcontraránse col universu de Panem creáu por Collins. “Balada de páxaros cantores y culiebres” empieza la mañana de la collecha que da empiezu a los décimos Xuegos de la Fame, y nel Capitoliu, Coriolanus Snow, de dieciocho años, preparase pa una oportunidá única: algamar la gloria como mentor de los Xuegos.

La casa de los Snow, antes tan influyente, traviesa tiempos difíciles, y el so destín depende de que Coriolanus consiga superar a los sos compañeros n’inxeniu, estratexa y encantu como mentor del tributu que-y sía axudicáu, pero tien too na so contra, yá que lo humildaron al asigna-y al tributu del Distritu 12.

Lionsgate confirmó apocayá que “Balada de páxaros cantores y culiebres” tamién va llegar a la gran pantalla, una película que va tar dirixida por Francis Lawrence, director de los dos últimos filmes de la serie, y que volverá cuntar tamién cola productora Nina Jacobson y el guionista Michael Arndt.

La triloxía “Los Xuegos de la Fame” (“Los xuegos de la fame”, “En llapaes”, “Sinsajo”) convirtióse n’una de les sagues más aclamaes en tol mundu (traducida a más de 54 idiomes y publicada en 52 territorios).

Tamién te podria gustar