Portada Sociedá Llaviana entama una campaña mediuambiental n’asturianu

Llaviana entama una campaña mediuambiental n’asturianu

by asturnet

El Conceyu de Llaviana vieno acabante presentar esti día la campaña de normalización social del asturianu “¡Erre qu’erre! Reduz, reutiliza, recicla”, una actividá entamada pola Conceyalía de Mediu Ambiente y la Oficina de Normalización Llingüística y dirixía al sector del comerciu.

Esta propuesta busca sensibilizar a la ciudadanía del peligru que supón la contaminación amás de fomentar actitúes respetuoses pa col mediu ambiente. Con esos oxetivos los comercios participantes na campaña van distribuir tres tipos de materiales: bolses reutilizables con información sobre reciclaxe, cuadernos de papel reciclao con conseyos mediuambientales y carteles esplicativos.

Los establecimientos interesaos van poder recoyer el material na Oficina de Normalización Llingüística. La iniciativa cuenta con una ayuda económica de la Conseyería de Cultura y Turismu del Principáu d’Asturies y fízose en collaboración cola Rede de Normalización Llingüística nos Conceyos.

Tamién te podria gustar