Llaviana da lluz verde a la moción de sofitu a la oficialidá

by redacción asturnews | febrero 1, 2018 1:03 pm

El Plenu del conceyu de Llaviana aprobó esti miércoles una moción de sofitu a la oficialidá na que qu’insta al Gobiernu asturiano a algamar un consensu pala reforma del Estatutu.

Como ya s’anunciare a lo llargo la selmana, esti miércoles Llaviana sumábase a otros conceyos, aprobando una moción de sofitu a la oficialidá, al tiempu que tien paralizada la so ordenanza pola Delegación del Gobiernu. La moción aprobada ayeri presentárala Somos Llaviana basándose ma que llevó al Plenu Somos Avilés en collaboración cola Xunta pola Defensa de la Llingua Asturiana (XDLA).

La moción dexa afitao  que “ye’l momentu d’avanzar na oficialidá del asturianu como elementu fundamental pa la so dignificación normativa y la normalización social” y pide darréu al Gobiernu d’Asturies y a les distintes fuercies polítiques con representación parllamentaria a entamar a un diálogu y llograr un consensu cola fin d’algamar esti oxetivu, qu’acabaría cola reforma del Estatutu d’Autonomía d’Asturies nun procesu qu’incluya nel mesmu la oficialidá de la llingua asturiana.

Source URL: http://asturnews.com/llaviana-da-lluz-verde-a-la-mocion-de-sofitu-a-la-oficialida/