Portada Convocatories Llaviana busca felicitaciones navidiegues n’asturianu

Llaviana busca felicitaciones navidiegues n’asturianu

by asturnet

La Oficina de Normalización Llingüística del Conceyu de Llaviana convocó’l so primer concursu d’ellaboración de postales de navidá en llingua asturiana, dirixíu a los alumnos de los centros d’educación primaria del conceyu.

Con esta iniciativa búscase “avanzar na dignificación social del asturianu nun ámbitu tan importante como l’educativu: fomentando la presencia de la llingua asturiana na aula, promoviendo la trasmisión xeneracional del asturianu y previniendo l’abandonu de la llingua materna”.

Va haber trés categoríes y un premiu pa caúna d’elles; los premios van consistir nun llote de llibros pa cada ganador. Toles postales participantes van formar parte d’una esposición que va entender tol periodu de Navidá y que va tener llugar na Casa la Cultura de La Pola y na biblioteca de Los Barreros. El plazu d’entrega de los trabayos conclúi’l día 2 d’avientu. El concursu cunta cola ayuda de la Conseyería de Cultura y Deporte d’Asturies y l’Academia de la Llingua Asturiana.

Tamién te podria gustar