Fiestes Llangréu aconceya na so nueche folk a Dixebra, Batulax, Ciquitrinos y Llangres by asturnet 9 de xunu, 2004 written by asturnet 9 de xunu, 2004 45 Dixebra, Batulax, Llangres y Los Ciquitrinos pondrán los sones de la IV Nueche Celta de Llangréu, dientro d’un programa festivu que s’espardirá tres díes na llocalidá de Ciañu y qu’inclúi una cita col rock de Los Rebeldes, Lunáticos y Bourbon, y un realcuentru col pasáu de la mano de La Década Prodigiosa. Con un presupuestu de 48.000 euros y xestionaes pola Sociedá de Cultura y Festexos ‘Torre La Quintana’, la folixa de Ciañu arrancará a les 20 hores de pasao mañana, vienres 11, con un pregón a cargu de José Ramón Rodríguez, profesor del Institutu d’Enseñanza Secundaria ‘Santa Bárbara’. Darréu de la llectura, el parque municipal acoyerá a partir de les 22 hores les cuatro actuaciones de la nueche celta. Al día siguiente, sábadu, el rock garrará’l relevu con un conciertu de Los Rebeldes, Los Lunáticos y Bourbon, depués d’una amuesa de tiru con arcu y una carrera ciclista, mientres que’l grupu encargáu de da-y continuidá a la folixa na nueche’l domingu 13 ye’l veteranu La Década Prodigiosa. La so actuación, a partir de les 23,30 hores, rematará una xornada dedicada a una concentración de motos clásiques denominada ‘Los leopardos del asfaltu’, y sedrá’l preludiu d’una espicha popular que pesllará’l programa festivu al día siguiente, llunes. 0 FacebookTwitterPinterestEmail Anterior El Principáu destina 185.000 euros pa trayer a Asturies a emigrantes ausentes hai venti años siguiente Cultura denuncia la falta de sofitu de Fomentu pa recuperar l’albergue de Curniana Tamién te podria gustar El Trasiegu Fest conclúi col envís de poner... El Trasiegu Fest va tener un mercáu con... San Xuan celebrase en toa Asturies con Xixón... Vuelven los Taragaños del Cofrade a Uviéu ‘Güei sálese’ diseña una programación especial pa Selmana... Tradición, música, confraternización y cultura tomen Avilés nes... Fallu del xuráu del Concursu de Proyectos de... Iniciativa y la Fundación Almastur presentaron la Xira... Los actos del Antroxu d’Avilés sumaron los 46.000... L’Antroxu de Xixón parte 36.000 euros en premios