Llanes de cine pon en valor los escenarios cinematográficos del conceyu

Llanes de cine ye’l nome del proyectu turístico y cultural puestu en marcha pol Conceyu de Llanes al envís de poner en valor los numberosos escenarios naturales del conceyu que sirvieron de platóes para’l rodaxe d’infinidá de llargumetraxes, curtiumetraxes, documentales, anuncios, video-clips, series de televisión y promociones de programes de televisión.

D’esta forma, el Conceyu pretende tamién rindir un homenaxe y amosa-yos so gratitú a los directores y productores qu’escoyeron los paisaxes llaniscos para faer realidá los sos suaños cinematográficos.

L’itinerariu cinematográficu, que nun inclúi la totalidá de les filmaciones feches nel conceyu, va dexar visitar hasta 25 llugares nos que se rodaron más de 42 secuencies de 18 llargumetraxes, 3 series de televisión y 1 curtiumetraxe. Estes localizaciones cunten con una señal qu’indica la película, el director y l’añu de rodaxe.

La iniciativa complementase con un folletu esplicativu col mapa del percorríu, películes y reseña de directores, actores, sinopsis, fotogrames de los escenarios, etc.

Más información en www.llanesdecine.com