Llanera Joven entama un intercambiu xuvenil internacional

13 marzu 04:27 2007 Imprimir

L’asociación xuvenil Llanera Joven acaba de ver aprobáu’l so proyectu d’intercambiu del Programa Mocedá de la Unión Europea. L’intercambiu va aconceyar en Llanera a 40 mozos y moces de Colombia, Guatemala, Italia y Asturies cola fin de debatir sobre les migraciones internacionales como fenómenu del mundu de la globalización.
L’intercambiu va desendolcase ente los díes 13 y 26 de setiembre nel albergue de Robleo.

El programa Mocedá de la Unión Europea ye un conxuntu d’aiciones enfocaes a fomentar la participación de la mocedá na construcción europea a lo llargo de delles actividaes relacionaes cola participación, el discutiniu, y la realización de programes conxuntos ente la mocedá europeo.
Nesti programa amás de la mocedá europeo tamién puede participar la mocedá americano y de los estaos del Mediterraneu africanu.

Programa Mocedá (inglés)

  Categories:
Loading Facebook Comments ...