PolíticaSociedá Llamazares contesta les declaraciones xenófobes del PP escontra la oficialidá by redacción asturnews 29 d'avientu, 2017 written by redacción asturnews 29 d'avientu, 2017 58 Nuna carrera frenética pa escontra la sinrazón, la presidenta del PP n’Asturies plantegó la convocatoria d’un seminariu nel mes de Xineru col que quier amosar cómo va afectar a la población la declaración de la oficialidá, al tiempu que facía un guiñu xenófobu escontra los asturianos que nacieren en La Rioxa y Burgos. La declaración facíala la presidenta del PP nel caberu Comité Rexonal nel que facía l’aanuncia de la convocatoria d’un seminariu sobre la cooficialidá nel que quieren desplicar a la ciudadanía “la repercusión que esa figura tendrá en ámbitos como la Universidad, las oposiciones, las familias, las empresas o el comercio”. Neses declaraciones Mercedes Fernández fizo l’anuncia del enfotu del su partíu en “tratar que la cooficialidad no se establezca en Asturias frente a los que dicen que será poco a poco y los que no quieren que haya ninguna información sobre la repercusión que tendrá esa medida”. Pero onde pasó la llínia foi al pidir “que no vengan señores de Logroño y Burgos a darnos lecciones”, faciendo referencia a los diputados d’IX, Gaspar Llamazares y Concha Masa. Darréu de les declaraciones de Mercedes Fernández, Gaspar Llamazares denunciaba esti vienres el vetu preventivu del PP a la oficialidá y comparaba los argumentos xenófobos de Fernández colos de Puigdemont. Llamazares amosaba la so sorpresa poles declaraciones de Mercedes Fernández, llamándo-y l’atención que’l PP “convierta’l vetu al asturianu, un vetu preventivu, nel so principal asuntu de campaña electoral, anque podría tener otres munches prioridaes que tienen que ver cola vida de los asturianos. La so principal prioridá ye negativa, cuando nun hai inda nin siquier un procesu de reforma del Estatutu d’Autonomía”, alvertía Llamazares nel caberu día d’actividá política de 2017. El voceru d’IX señalaba tamién qu’esta última cuestión ye “entá peor” cuando’l PP na vecina comunidá de Galicia garantiza la co-oficialidá de la llingua gallega. A xuiciu de Llamazares la técnica de Mercedes Fernández supon practicar un vetu, y la discriminación, xuntu col usu de los argumentos xenófobos y de calter personal. “Paez Puigdemont con argumentos xenófobos pa quien nun nacimos n’Asturies”, sostién el voceru d’IX. 0 FacebookTwitterPinterestEmail Anterior La Universidá axusta en dos millones el so presupuestu pa 2018 siguiente Entama’l ciclu de conciertos de Navidá del Muséu Evaristo Abargane Sábadu, Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...