L’II Festival Internacional de Música Negra estrena allugamientu y crez con 6 bandes de soul, funk, rock y rhythm&blues

L’II Festival Internacional de Música Negra estrena allugamientu y crez con 6 bandes de soul, funk, rock y rhythm&blues
09 agostu 17:31 2016 Imprimir

El Festival Internacional de Música Negra d’Avilés celebra la so segunda edición los díes 12 y 13 d’agostu. “Crez al respective de la edición del añu pasáu con dos xornaes d’actuaciones, ameyora la calidá de les bandes participantes y estrena allugamientu na plaza de Carlos Llobu, con mayor capacidá y más segura”, en palabres de la conceyala de Festexos, Ana Hevia.

El Festival Internacional de Música Negra d’Avilés va Cuntar coles actuaciones de seis grupos de soul, funk, blues, rhythm and blues y rock de Francia, Gran Bretaña, Estaos Xuníos y España que se van llevar a cabu na Plaza de Carlos Llobu. Esti festival esperimenta una medría notable al respective de la so primer edición, que se celebró nel branu de 2015.

L’añu pasáu participaron 4 grupos nuna sola xornada ente qu’anguaño van sonar media docena d’agrupaciones en dos díes. Amás, inclúi’l “Avilés Mardi Gras Parade”, una marcha de los integrantes de “The Broken Brothers Brass Band” poles cais del cascu históricu d’Avilés p’arimar del auténticu espíritu de la música negra al públicu avilesín. Esta marcha va rematar sobre l’escenariu de Carlos Llobu y va dar entamu a la segunda xornada del Festival. L’oxetivu ye que’l públicu interactúe y participe del auténticu sabor del Mardi Gras y de New Orleans.

 

  Categories: