CineConceyos L’IES Virxe de La Lluz algama los premios del “Avilés Acción 72 hores” by redacción asturnews 29 de payares, 2021 written by redacción asturnews 29 de payares, 2021 2,4K La pasada edición del Avilés Acción Film Festival traxo como novedá la sección “Avilés Acción 72 hores”, na que se propunxo al alumnáu de los I.Y.S d’Avilés qu’escribieren, produxeren, rodaren y montaren un curtiumetraxe en 72 hores. Les obres presentaes fueron emitíes na páxina web del Festival www.avilesaccion.com. Nesta actividá participaron un total de 96 estudiantes realizando 16 curtiumetraxes, convirtiendo a la ciudá d’Avilés nun gran plató cinematográficu. Los curtiumetraxes ganadores fueron: Soníos y Prexuicios, dambos del IES Virxe de La Lluz. La conceyala de Cultura avilesina, Yolanda Alonso, y el xerente de la Unión de Comerciantes d’Avilés y Contorna (UCAYC), José Antonio Álvarez, fixeron apurre esti xueves de los dos premios, consistentes en dos talos cheques-regalo por valor de 500 € para consumir nos comercios d’Avilés. Nel actu, que tuvo llugar nel Salón de Recepciones del Conceyu d’Avilés, tamién s’apurrieron los premios correspondientes al concursu d’escaparates convocáu pola UCAYC por cuenta de la celebración n’Avilés, los díes 6 y 7 de payares, del Campeonatu del Mundu de Duatlón. La conceyala de Deportes, Nuria Delmiro, participó nesti actu xunto col xerente de la UCAYC, José Antonio Álvarez. Los trés establecimientos premiaos nel concursu “Los escaparates del Duatlón” son: 2+1 Basket (C/ José López Ocaña, 8): primer premiu, dotáu con 200€ y diploma Martín Gala (C/ José Cueto, 1): segundu premiu, dotáu con 150€ y diploma Leymar Floristes (C/ Cuba, 5): tercer premiu, dotáu con 100€ y diploma 0 FacebookTwitterPinterestEmail Anterior L’Academia de Cine desvela los nomaos pa los Premios Goya 2022 siguiente L’ALPEE presentó n’Eurocities el programa d’activación xuvenil de Xixón Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles