Portada Conceyos L’historiador Juan Ignacio Ruiz de la Peña pon nome a un parque uvieín

L’historiador Juan Ignacio Ruiz de la Peña pon nome a un parque uvieín

by redacción asturnews

En marzu del añu pasáu la Xunta de Gobiernu del Conceyu d’Uviéu aprobó otorgar el nome del eruditu a unu de los paseos d’esti parque “tan cercanu al Uviéu medieval que lo vio crecer y al que tantu amó y estudió”, aseguró Isabel, una de les sos fíes que glosó la so figura nel actu d’homenaxe que se-y fizo la selmana pasada.

L’alcalde, Alfredo Canteli y miembros de la Corporación asistieron la selmana pasada al actu en memoria del catedráticu d’Hestoria Medieval de la Universidá d’Uviéu y director del RIDEA (Real Institutu d’Estudios Asturianos) mientres décades, Juan Ignacio Ruiz de la Peña, que finó en mayu de 2016. Güei, nel Campillín, n’unu de los sos paseos afayóse una placa col so nome. “Ye daqué que como Conceyu deber. Dir tou na Educación n’Uviéu”. aseguró l’Alcalde, Alfredo Canteli.

La propuesta d’esti homenaxe foi impulsada por Rubén Montes, presidente de l’Asociación Profesional d’Arqueólogos Conservadores y Museólogos d’Asturies, y José Antonio Álvarez Castrillón, el cronista oficial de los Oscos y miembru permanente de númberu del RIDEA, y sofitada por numberosos compañeru y discípulos de Ruiz de la Peña, que güei quixeron acompañar a los sos familiares.

Tamién te podria gustar