L’Heraldu pidió permisu al Alcalde pa celebrar el Martes de Campu

L’Heraldu pidió permisu al Alcalde pa celebrar el Martes de Campu
21 mayu 10:33 2018 Imprimir

La cabalgata, encabezada por “La Fama”, y acompañá d’una comitiva del gremiu de xastres y alfayates, cabezudos y bandes de música, salió la selmana pasada de la Plaza de la Catedral hasta’l conceyu, onde l’alcalde concedió-y permisu para celebrar la fiesta de Martes de Campu.

Uviéu cumplió cola tradición y la selmana pasada, l’heraldu de la La Balesquida, conocíu popularmente como “La Fama”, pidió permisu a les autoridaes locales pa poer celebrar el martes de campu. Dende’l balcón consistorial l’alcalde, Wenceslao López, concediolu un añu más.

L’heraldu salió al llombu del so caballu blancu de la Plaza de la Catedral, acompañáu de cabezudos y bandes de música, amás d’una comitiva con traxes tradicionales, faciendo una recración hestórica del gremiu de xastres y alfayates, orixe d’estes fiestes, y percorrió, ente música de gaites, vecinos y turistes, les principales cais del cascu antiguu.

Esta cabalgata conmemora l’orixe de la fiesta, que se remonta al sieglu XIII, cuando los uvieinos comíen  “pan d’acisna con chorizu y mediu cuartiyu de vinu de pasáu’l monte” nel Martes de Campu, l’actu estrella d’estos festexos.

  Categories: