Portada Comunicación L´exame de llingua asturiana axunta esti añu a 476 aspirantes

L´exame de llingua asturiana axunta esti añu a 476 aspirantes

by redacción asturnews
Foto: srgpicker (https://www.flickr.com/photos/srgblog/)

La Conseyería d’Educación celebró la fin de selmana pasada la segunda prueba de certificación de llingua asturiana, a la que s’inscribieren 476 persones: 283 pa consiguir el B2 (nivel entemediu) y 193 para’l C1 (nivel avanzáu). El sábadu celbraronse les prebes escrites y a lo llargo lo que resta de mes van desenvolvese dende esti llunes 18 les orales.

Estos exames de certificación de llingua asturiana miden el grau de dominiu nel usu y los niveles tán afechos al Marcu Común de Referencia Européu (MCRE) de les Llingües.

Dos tales pruebes (les de B2 y C1) constaron de cinco partes: comprensión de testos escritos, compresión de testos orales, producción y coproducción de testos escritos, producción y coproducción de testos orales y mediación. Para llograr el certificáu va ser necesariu aprobar caúna de les partes y llograr un promediu de seis.

Los trés tribunales constituyíos pola conseyería tuvieron integraos por profesoráu funcionariu de carrera del cuerpu de profesores de Secundaria y llingüistes espertos en llingua asturiana.

Tamién te podria gustar