Portada Comunicación Les XXIII Xornaes del Cómic citen n’Avilés a los fans hasta’l sábadu 15

Les XXIII Xornaes del Cómic citen n’Avilés a los fans hasta’l sábadu 15

by redacción asturnews

Daniel Torres, Federico del Barrio, Al Ewing y Natacha Bustos van tar ente los autores más destacaos de les XXIII Xornaes del Cómic d’Avilés que van celebrase ente’l martes 11 y el sábadu 15 de setiembre.

Les Xornaes del Cómic Villa d’Avilés algamen anguaño la so XXIII edición. La Casa Municipal de Cultura y la tradicional carpa instalada na plaza d’Álvarez Acebal, van convertise nel centru d’actividá en redol al cómic que tresforma Avilés, per espaciu de cinco díes, na capital nacional del novenu arte. Va Tener llugar dende’l martes 11 al sábadu 15 de setiembre. El contactu directu colos ceadores, anguaño medio centenar, al traviés de meses redondes, coloquios, firmes y presentaciones ye una de les señes del certame, coles esposiciones sobro’l trabayu de Javier Isusi, Carlos Pacheco y “El cómic americanu”, complementen el programa.

El certame foi presentáu la selmana pasada por Yolanda Alonso, conceyala de Cultura d’Avilés, y Jorge Iván Argiz y Ángel de la Calle, codirectores d’unes Xornaes qu’anguaño van cuntar con mediu centenar d’autores invitaos. Ente el españoles destaquen Daniel Torres y Federico del Barriu, dos lleendes del cómic nacional con décades de trabayu a los sos llombos; Rayco Apolazadura, actual Premiu Nacional de Cómic, o Natacha Bustos, xuna nueva autora española que trunfa n’Estaos Xuníos. Ente los internacionales, Al Ewing, unu de el escritores de cómic americanu más interesantes de l’actualidá.

El contactu directu del públicu colos ceadores ye’l sellu de les Xornaes, que yá son conocíes como les xornaes de los aficionaos. Una característica a valir dende la primer edición. Charres, coloquios, meses redondes, sesiones de firmes xunir a les presentaciones de distintes novedaes editoriales, según ruedes de prensa abiertes al públicu. Y al pie de elles, proyecciones y esposiciones.

“Les Xornaes del Cómic son por derechu una de les señes d’identidá de la programación cultural d’Avilés, que s’empón polos criterios de calidá. El nivel de losautores, la especial complicidá col públicu y los aficionaos que tienen equí, faen d’Avilés el llugar perfectu pa esfrutar del mundu del novenu arte, y confirmar el númberu de visitantes que s’averen y viven les xornaes”, afirmó Yolanda Alonso, conceyala de Cultura de la ciudá.

Alonso adelantró la incorporación del novenu arte al proyectu européu Womrts del que forma parte Avilés, y que nun primer pasu va concretase con una estancia de dos destacaes autores, Raquel Llagartos y Fernanda González García, en Angulema, Francia, del 23 de setiembre al 4 d’ochobre.

Pela so parte, Ángel de la Calle destacó la importancia de la parte cultural percima de la comercial, nes Xornaes del cómic d’Avilés. Coles mesmes, Jorge Iván Argiz incidió en qu’anguaño les Xornaes, que sirvieron dende los empiezos como xuna plataforma de llanzamientu de nuevos autores, van faer especial fincapié na importancia de los guionistes nel mundu del cómic.

Destacaos autores nacionales ya internacionales componen el cartelu de mediu centenar que va visitar Avilés. Ente ellos destaquen Jorge Jiménez (España), Federico del Barrio (España), Goran Sudzuka (Croacia), Mike Carey (Inglaterra), Mamen Moreo (España), Natacha Bustos (España), Al Edwing (Inglaterra), Carlos Pacheco (España), Javier Rodríguez (España), Javier de Isusi (España), Bernard Chang (Canadá), Roberto Sierra (España), Alex Sierra (España), Lolita L’Aldea (España), Enrique Vegas (España), Sían Chean (Estaos Xuníos), Raquel Llagartos (España), Julio César Iglesias (España) y Kiko da Xibla (España), autor anguaño del cartelu.

Más información

Tamién te podria gustar