Les XXII Xornaes Conceyu y Adicciones van celebrase de manera virtual

La conceyala de Mocedá, Cuadonga Díaz, presentó esta selmana pasada les  XXII Xornaes Conceyu y Adicciones, col lema Adicciones y COVID ¿Qué ta pasando?, que van celebrase los díes 17 y 24 de payares y 1 d’avientu.

Esti foru axunta añalmente a un gran númberu de profesionales, estudiantes, axentes sociales y persones interesaes nel campu de les adicciones. Teniendo en cuenta l’actual situación derivada de la crisis sanitaria producida pola COVID-19 el formatu de desenvolvimientu d’esta edición de les Xornaes va ser virtual.

Sol lema “Adicciones y COVID: ¿Qué ta pasando?”, “va cavilgar a lo llargo de trés díes sobro l’impactu de la pandemia nos consumos de drogues y otres conductes adictives, y na intervención tanto dende l’ámbitu de la prevención como de l’atención a les persones con problemes d’adicción. Tratase d’un proyectu imprescindible pa Uviéu y pa los nuesos mozos, lo que vien refrendar el nuesu compromisu cola Mocedá”, sorrayó la concejala.

“L’asistencia a les Xornaes va realizase de forma virtual pero rique d’inscripción previa que puede realizase na web: https://jornadasmunicipioyadicciones.com/. El plazu va hasta’l vienres 13 de payares”, añedió la responsable municipal de Mocedá.

Aránzazu Fernández, desglosó’l programa y esplicó que “pa más información convidamos a visitar les web https://jornadasmunicipioyadicciones.com/ y el subapartado del Plan Municipal sobro Drogues, www.oviedo.es/plansobredrogas “. Un total de “40 entidaes fixeron propuestes sobro’l conteníu de les Xornaes, qu’anguaño como nun podía ser d’otra manera tán bien rellacionaes coles adicciones y la Covid”, aseguró.

“La Xornaes van dar empiezu’l martes 17 de payares cola inauguración institucional al cargu de Dña. Azucena Martí Palacios, Delegada del Gobiernu pal Plan Nacional sobro Drogues, D. José Ramón Hevia Fernández, Xefe de Serviciu de Salú Poblacional de la Dirección Xeneral de Salú Pública, y D. Alfredo Canteli Fernández, Alcalde del Conceyu d’Uviéu. A lo llargo d’esa mañana realizará un analís del impactu de la pandemia nel ámbitu de les adicciones y va cavilgase sobro les implicaciones que tuvo esta crisis sanitaria na intervención llevada a cabu poles alministraciones locales al traviés de los planes municipales sobro drogues”, sorrayó Fernández Rodríguez.

La siguiente sesión, que va tener llugar el martes 24 de payares, va encetar los efectos de la pandemia na rede d’atención a les adicciones, nos recursos que lu componen y nes persones que desenvuelven el so llabor profesional o de voluntariáu nesti ámbitu d’intervención.

A lo último, na sesión del martes 1 d’avientu va cavilgar sobro les consecuencies de la pandemia y l’impactu de les midíes adoptaes pa evitar el so espardimientu en menores, nuevos y les sos families, según nes implicaciones pa la intervención con estos colectivos.

A lo llargo de les trés sesiones van llevase al cabu ponencies, meses redondes y meses d’esperiencies nes que van participar ponentes de reconocíu prestíu nel ámbitu de les adicciones.