Portada Cine Les Vegues acueye la proyección del documental “Os reises, mazcaraes d’iviernu n’Asturies”

Les Vegues acueye la proyección del documental “Os reises, mazcaraes d’iviernu n’Asturies”

by asturnet

Os Reises. Una tradición viva, ye’l títulu del documental que va proyectase mañana xueves, a les 20 hores, na Sala d’Arte del Centru Sociocultural de Les Vegues, en Corvera.

Fechu pola Asociación Cultural Tíu Vitán de Tormaleo (Ibias), el documental recueye testimoniu gráficu d’una de les poques mazcaraes d’iviernu que se caltienen n’Asturies, en xunto con Os Reises d’El Valledor, aguilandu de Xedré, Sidros de Valdesoto, ente más otres.

Nel documental analízase y esplícase la recuperación d’esta tradición pola xente mozo de la montaña del conceyu d’Ibias; amás de recoyer imáxenes del desarrollu de la mazcarada na primer fin de selmana de xineru, vemos cómo esti actu fai parte tamién de les señes d’identidá asturianes venceyaes cola cultura popular.

La entrada pa ver esti documental, qu’hasta’l momentu nun se proyectara en Corvera, ye abierta y gratuita.

Tamién te podria gustar