Portada Educación Les V Estancies Coreográfiques vuelven dar protagonismu a la Danza n’Uviéu

Les V Estancies Coreográfiques vuelven dar protagonismu a la Danza n’Uviéu

by redacción asturnews

Les V Estancies Coreográfiques vuelven dar protagonismu a la Danza n’Uviéu esti domingu 5 d’agostu primeru del mes nel que se van presentar delles investigaciones allrodiu de la danza nel Campoamor.

El Teatru Campoamor acueye esti alcuentru añal d’investigación y divulgación coreográfica onde reconocíos baillarinos, coreógrafos, investigadores, artistes plásticos y compositores impulsen la creación artística y l’intercambiu. Les resultancies de la investigación podrán vese sobro les tables, esti 5 d’agostu, con entrada llibre hasta completar l’aforu.

Esti ye un proyectu d’una de les figures más representatives de la danza contemporanea, l’uvieín Yoshua Cienfuegos, en codirección con Lucía Piquero, que vertebra’l guión de les Estancies Coreográfiques.  Baillarinos, coreógrafos, investigadores, compositores y artistes rellacionaos col mundu de la danza, trabayen dende hai quince díes nel teatru Campoamor y l’Auditoriu Príncipe Felipe d’Uviéu, pa presentar el 5 d’agostu la resultancia “d’un trabayu d’investigación, un regalu del nuesu trabayu demientres 15 díes col que queremos asitiar al Campoamor como referente nel mundu de la danza”, esplicó la selmana pasada Yoshua Cienfuegos mientres unu de los ensayos de “los baillarinos, de más de venti nacionalidaes”.

Nesta nueva edición, el proyectu cunta con un equipu de 6 coreógrafos, 15 baillarinos, 5 investigadores, 4 compositores, 2 artistes plásticos y 6 espacios ente’l Teatru Campoamor, l’Auditoriu Príncipe Felipe y Elisa Novo Escuela de Danza. Destaca amás la participación de la Dra. Carmen Giménez Morte, la Dra. Stephanie Xordán, los reconocíos compositores Renzo Spiteri, Luis M. Sanz, Begoña Muñoz o l’artista plásticu asturianu Vicente V. Banciella.

La tema de la investigación d’anguaño céntrase na collaboración ente música y coreografía. Les Estancies Coreográfiques realícense gracies al sofitu de la Fundación Municipal de Cultura del Conceyu d’Uviéu y l’Universidá de Mañta, amás del sofitu de la Universidá de Roehampton de Londres y el Suzanne Dellal Dancie Centre de Tel Aviv.

Ficha artística ESTANCIES COREOGRÁFIQUES 2018 (EC18)

  • Un proyectu de Yoshua Cienfuegos
  • Dirección Xeneral: Yoshua Cienfuegos y Lucía Piquero
  • Subdireición: Maynor Chaves
  • Coreógrafos mayor percorríu: Ravid Abarbanel, Lucía Piquero y Yoshua Cienfuegos
  • Intérpretes: Maynor Cháves, Melanie López, Edoardo Ramírez, Sara López Vicente, Rocio
    Sempere, Gaizka Morales, más intérpretes invitaos
  • Coreógrafos emerxentes: Beatriz del Monte, Xian Martínez y Carmen Muñoz
  • Dirección de Proyectu Coreográficu y Pedagóxicu: Yoshua Cienfuegos
  • Investigadores Principales: Carmen G. Morte y Stephanie Jordan
  • Dirección de Proyectu d’Investigación: Lucía Piquero
  • Compositores: Renzo Spiteri, Vadim Yukhnevich, Luis Miguel Sanz, Begoña Muñoz
  • Artistes plásticos: Begoña Muñoz, Vicente V. Banciella y Natalia Muñoz
  • Coordinación d’artistes plásticos: Vicente V. Banciella
  • Producción: Jesús Mascarós
  • Ayudante de Producción: Elisa Novo

Tamién te podria gustar