Kumen Teatru representa “Les Troyanes”

by redacción asturnews | enero 27, 2016 8:53 am

Esti miércoles 27 de xineru, a les 20.30 hores, nel Aula Popular J.L. Gª Rua dientro de la XX Selmana Cultural, Kumen Teatru va representar “Les Troyanes”.

Les Troyanes ye una traxedia de guerra; ye l’espectáculu de les consecuencies d’una guerra al traviés de les sos víctimes más dolioses: les muyeres y los neños. El drama asocede en Troya, pero ésti ye tamién el drama de cualquier guerra en cualquier sitiu, porque Troya ta en cualesquier parte cuando’l mitu, ubicuu, faise hestoria. Troya ye paradigma de ciudá esfarrapada. D’ella nun quedaron más que les sos cenices, que s’espandieron, difuses, pol éter.

El montaxe ta dirixíu por Paula Moya y José Ramón López y cunta cola participación de los actores y actrices Cos Cueva Álvarez, Lucena Sánchez,  Eve Krzyzowska, Guiomar Fernández Ardura,  Jairo Buelga Barbón, José Manuel González Fernández, Marc Ortega Benedicto, Lucía Alonso Pardo, Paula Moya García,Robeca Meana Rodríguez, Sara López Fernández y Silvia Sierra González.

Source URL: http://asturnews.com/les-troyanes-kumen-teatru-27-de-xineru-de-2016/