Les trés peñes candidates a Rei/Reina del Goxu y la Faba presenten sos propuestes

Les trés peñes candidates a Rei/Reina del Goxu y la Faba presenten sos propuestes
26 ochobre 14:31 2021 Imprimir

Les trés peñes candidates a proclamase como Rei/Reina del Goxu y la Faba del Antroxu 2022 van presentar énte’l públicu les sos propuestes a lo llargo d’esta próxima selmana. Va ser nel Palaciu de Valdecarzana a les 18 hores. Esti martes 26 va ser la vez de La Santa Jarra; el miércoles de Arrexuntaos; y el xueves d’Una y pa casa!.

El públicu asistente va poder preguntar y abrir alderique colos y les representantes de les peñes en visu a conocer detalles sobro les propuestes pa unos antroxos que se busca que sigan siendo bien participativos. Por eso convídase a los avilesinos y avilesines a convertise en xuraos pa conocer de primera esquito les propuestes.

Colos sos planteamientos, les trés peñes tienen de mancomún el querer solmenase d’enriba la murnia y el mal cuerpu que-yos dexó un 2021 onde nun se celebró un Antroxu de verdá pola pandemia del Covid. Un virus que sigue presente polo que nun hai que baxar la guardia en nengún momentu a la de tomar precuros anque se tea de folixa.

Darréu a la presentación de candidatures, ente’l 1 y el 15 de payares, va tener llugar el periodu electoral. Les votaciones van facese de la siguiente manera:

Al traviés d’Internet
Voto presencial en dos urnes allugaes na Casa de Cultura y na Oficina de Turismu

Más información

  Categories: