Les sestes Xornaes de Software Llibre analicen les posibilidaes del códigu abiertu

14 marzu 03:53 2006 Imprimir

L’Auditoriu d’Uviéu acueye hasta esti miércoles 15 les VI Xornaes de Software Llibre d’Asturies , entamaes pola asociación Asturlinux y pola Escuela Universitaria d’Inxeniería Técnica n’Informática. Diversos espertos analicen nel congresu les estremaes posibilidaes del códigu abiertu nel mundu de la comunicación, la economía y l’intercambiu cultural.

La sesta edición d’estes Xornaes desenvuelve un intensu programa dedicáu a dellos de los principales retos y realidaes a los que s’enfrenten los usuarios de Software Llibre, asina como a les aplicaciones profesionales y comerciales d’esta práctica tecnolóxica. El congresu piésllase esti miércoles 15 cola presencia, ente otros ponentes, de Raúl Rivero, responsable de la edición dixital del diariu El Mundo y del colaborador asturianu de Wikipedia, Omar Álvarez.

  Categories:
Loading Facebook Comments ...