Les ‘reválides’ de Primaria, ESO y Bachiller van desaniciase y la Relixón nun va puntuar

Les ‘reválides’ de Primaria, ESO y Bachiller van desaniciase y la Relixón nun va puntuar
14 11:20 2018 Imprimir

Les nomaes ‘reválides’ de Primaria, ESO y Bachilleratu van desaniciase dafechu y la Relixón va dexar de puntuar, sigún adelantró’l gobiernu español esta selmana al traviés de la so ministra d’educación.

La prueba de la Evaluación final d’Educación Secundaria Obligatoria (ESO), una de les reválides’ de la Lomce, nun va tener efectos académicos esti cursu 2018-19, como yá asocedió en 2017-18, cuando l’anterior Gobiernu decidió que fuera asina mientres se buscaba un Pactu pola Educación. El departamentu que dirixe la ministra Isabel Celaá fixo públicu’l proyectu d’orde pol que se regulen les citaes pruebes pa esti cursu al traviés de la so web, abriendo un periodu d’información pública ente’l 12 y el 30 de payares.

«Esta evaluación va escarecer d’efectos académicos», señalase nel proyectu d’orde, onde tamién s’establez que va tener calter «muestral» y finalidá «diagnóstica». va aplicar a alumnos que s’atopen cursando cuartu cursu de la ESO, con independencia de les sos calificaciones, al igual qu’asocedió’l pasáu añu. Tamién les alministraciones educatives van poder alzar el númberu de centros participantes percima de les necesidaes «muestrales», o faer la evaluación final con calter censal. El ministeriu señala coles mesmes que les pruebes van llevar a cabu «preferiblemente» nel últimu trimestre lectivos d’esti cursu.

Nun hai cambeos tampoco tocantes a la duración de les pruebes (cuatro díes y cinco, pa comunidaes con llingua cooficial),  o que delles entrugues puedan ser de tipu test y que les pruebes traten sobro Llingua Castellana y Lliteratura, Primer Llingua Estranxera (nel so casu, Llingua Cooficial y Lliteratura), Matemátiques y Xeografía y Hestoria.

El proyectu preve amás que los alumnos nun tengan la obligación de cursar una materia alternativo a la Relixón, qu’ésta dexe de ser «específica» en primeru y segundu de Bachilleratu y que la calificación que se llogre na asignatura nun cunte pa la nota media d’accesu a la universidá, beques y otros similares. Amás, introduzse l’asignatura d’Educación en Valores Cívicos y Éticos nun cursu d’Educación Primaria y n’otru de la ESO, según el borrador.

En materia de conciertos, como yá anunció Celaá, desaníciense les referencies a «una demanda social» p’aportar a la educación privada subvencionada y va reforzase el principiu de non discriminación per xéneru. Asina, sume la referencia a que la educación estremada nun se considera discriminación per xéneru y van priorizase los conciertos colos centros que se rixan pol principiu de la coeducación.

El ministeriu quier tamién «evitar cualquier efectu segregador deriváu de l’aplicación de programes d’enseñances plurilingües» y van modificase los criterios de baremación, reconociendo les situaciones de families monoparentales, víctimes de violencia de xéneru y de terrorismu, ente otros. Les discutíes ‘revalides’ d’evaluación de final d’etapa de Primaria, ESO y Bachilleratu, qu’anguaño tán suspendíes, van ser esaniciaes, según va volvese a la Prueba d’Accesu a la Universidá -selectividá- desvenceyada y posterior al llogru del títulu de Bachilleratu».

L’oxetivu del ministeriu ye convertir les evaluaciones de sestu de Primaria y de cuartu de la ESO en «muestrales y tresañales» pa poder conocer l’estáu del sistema educativu, pero les sos resultancies, en nengún casu, van poder ser utilizaos pa valorar a los alumnos o pa la calificación de los centros. Propón tamién el departamentu de Celaá una regulación de los currículos pa potenciar una educación inclusiva y garantizar la equidad y la calidá, colo que quieren esaniciase los itinerarios de cuartu de la ESO por que «cualquier opción na educación obligatoria conduza a idéntica titulación».

En relación coles competencies del Estáu y les comunidaes autónomes, determinase dexar en manos d’éstes la regulación del usu de la llingua cooficial y de la escolarización acomuñada a ella.

 

  Categories: