Les redes sociales preferíes en 2020 son Facebook y WhatsApp

Les redes sociales preferíes en 2020 son Facebook y WhatsApp
19 febreru 09:48 2020 Imprimir

La industria de la comunicación dixital ente individuos convirtióse en fonte de poques sorpreses. Esti 2020, prácticamente les mesmes redes sociales y servicios de mensaxería ocupen el podiu de les más usaes que va un añu, periodu nel cual la emerxencia de la plataforma de vídeos musicales TikTok foi la única gran novedá nel sector.

2020_02_17_facebook2

La empresa Facebook sigue siendo líder na comunicación interpersonal n’Internet. Esto asocede gracies a la so rede col mesmu nome, que güei casi algama los 2.500 millones d’usuarios activos mensuales, Instagram, con siquier 1.000 millones, y los sos servicios de mensajería Facebook Messenger (siquier 1.300 millones) y WhatsApp (con más de 2.000 millones).

Como asocedió mientres tola última década, la única compañía que puede llanta-y cara a Mark Zuckerberg nel sector de la comunicación dixital ye la china Tencent. Esta ye dueña de l’aplicación multiuso WeChat, que cunta anguaño con 1.151 millones d’usuarios activos mensuales, el programa de mensaxería QQ, con 653 millones d’usuarios de dispositivos intelixentes y la web social Qzone, con 517 millones del mesmu tipu d’usuarios.

Fuente: es.statista.com

  Categories:
Loading Facebook Comments ...