Portada Educación Les pruebes d’accesu na Escuela d’Arte d’Avilés van ser el 22 de xunu

Les pruebes d’accesu na Escuela d’Arte d’Avilés van ser el 22 de xunu

by redacción asturnews

Los alumnos que quieran cursar estudios cimeros de diseñu y de caltenimientu y restauración de bienes culturales na Escuela d’Arte del Principáu n’Avilés van tener que formalizar la inscripción pa la prueba específica d’accesu del 22 de mayu al 9 de xunu, dambos incluyíos, na so see nel Palaciu de Camposagrado. La prueba realizarase’l 22 de xunu.

El Boletín Oficial del Principáu d’Asturies publicó esta selmana pasada les normes de la convocatoria que tien como finalidá valorar el maduror, les conocencies y les aptitúes «pa cursar con aprovechamientu diches enseñances.

A estos estudios van poder allegar quien tenga’l títulu de bachiller o unu equivalente a efectos académicos, quien superare la prueba d’accesu a la universidá pa mayores de 25 años o la d’accesu a ciclos formativos de formación profesional de grau cimeru o la prueba de maduror pal accesu a les enseñances deportives, tamién de grau cimeru.

Nel casu de los estudios de restauración, la prueba va constar de dos partes. La primera va ser un comentariu de testu y la segunda va incluyir tres ejercicio prácticos sobre maña manual, imitación cromática y un dibuxu d’enfoque miméticu cola técnica del clarescuru. La de diseñu tamién va constar d’un comentariu de testu y de, siquier de dos actividad d’espresión y creatividá.

Tamién te podria gustar