Les persones entamadores de Xixón yá pueden atopar la zona ideal p’abrir el so negociu

Impulsa, nel so enfotu d’ameyorar el so serviciu al asesoramientu emprestáu pa les persones con moliciones empresariales, incorpora esta ferramienta desenvuelta por Betterplace que los ayudará, so una serie de parámetros,a  escoyer en Xixón ónde allugar el so negociu.

La xeolocalización convirtióse yá hai tiempu nuna ferramienta clave pa l’apertura de nuevos negocios. Y conscientes d’esa realidá, el Conceyu de Xixón, al traviés d’Impulsa, incorpora la ferramienta de geolocalización desenvuelta pola startup Betterplace.

Gracies a esta nueva tecnoloxía, les persones entamadores van poder conocer qué zones son les más allegaes pal so negociu, basándose en información clave como’l tránsitu piatonal, el ticket mediu, el perfil de veceru o la competencia más cercana. Col conxuntu de resultancies, van poder conocer l’ésitu o fracasu d’un proyectu dependiendo del so allugamientu.

Con esta nueva ferramienta, tamién van poder llograr informes detallaos de población, económicos y comerciales de la zona escoyida pal so negociu, un elementu clave a la de presentar un estudiu de viabilidá o pidir un creitu pa la so puesta en marcha. Por aciu la combinación de datos demográficos y comerciales de distintes fontes, tantu privaes como públiques, una empresa pue identificar un enclín, reconocer cambeos nel mercáu y afayar un mesmu patrón ente los sos veceros, lo que dexa tomar meyores decisiones de negociu.

Si amás estes decisiones pueden visualizase y los sos variables pueden modificar en tiempu real, llógrase una ferramienta estratéxico bien pervalible para tomar de decisiones antes d’abrir un allugamientu.