Les páxines de ecommerce nes que más españoles merquen son d’Amazon

Les páxines de ecommerce nes que más españoles merquen son d’Amazon
28 14:02 2019 Imprimir

La temporada de compres prenavideña inaugúrase esti vienres 29 de payares cola xornada del Black Friday y el Cyber Monday el llunes siguiente y les páxines de ecommerce nes que más españoles merquen son d’Amazon.

Les tiendes van rebaxar el preciu de munchos productos pa tratar de persuadir a miles de consumidores de que llegó’l momentu de dase un caprichu o adelantrar los regalos de Pascues. Al respective de les compres n’Internet, nun gráficu anterior yá amosemos cómo la páxina Amazon.es foi en 2018 el portal con mayor facturación d’España, con un volume envalorao pa datos de comerciu electrónicu EcommerceDB en 2.168 millones d’euros.

Si uno entruga a los consumidores españoles qué les tiendes online usen en mayor grau, les resultancies son bien similares. Según la encuesta Statista Global Consumer Survey, Amazon.es y Amazon.com son les páxines de ecommerce que más compradores utilizaron nel añu anterior a la encuesta, con un 64% y 31% de respuestes del sondéu al so favor, respectivamente. A estes siguiéronlu elcorteingles.es (con un 23%), carrefour.es (con un 19%) y mediamarkt.es (con un 18%).

Fuente: es.statista.com

  Categories: