Esti xueves 10 de xineru, los conciertos selmanales de la sidrería Tierra Astur de Cualloto ufrieron l’actuación de les Pandereteres de Fitoria, formación que sigue la estela d’otres como Dulcamara que vienen recuperando la tradición d’esti instrumentu nel panorama musical asturianu.
Les Pandereteres de Fitoria son un grupu formáu por Guadalupe Villanueva, Lorena Álvarez, Laura Ruiz, Silvia Rodríguez, Verónica González y Yolanda Menéndez, que decidieron xuntase hai dos años, depués de participar durante años en dellos grupos de baille.
Florentina Cuadriello ye lasesora vocal y musical desta formación que tien una maqueta grabada con cantares tan populares como “Por comer cereces verdes” o “La Muñeira de La Pola”.
