Les oposiciones de secundaria en 2016 van ser de 31 especialidaes

Les oposiciones de secundaria en 2016 van ser de 31 especialidaes
06 15:50 2015 Imprimir

El conseyeru d’Educación y Cultura, Genaro Alonso, presentó esti vienres a la Xunta de Personal Docente la propuesta inicial d’especialidaes de les que se van conovcar oposiciones y qu’algama 31 especialidaes, ente elles dalgunes que nun se convocoquen va 16 años.

La conseyería preve convocar places en 31 especialidaes, anque esta decisión afitarase a partir del mes de xineru coles organizaciones sindicales nes meses de negociación correspondientes, pero güei diose a conocer la propuesta inicial d’especialidaes qu’ellaboró esti departamentu pa les oposiciones d’Educación Secundaria, Formación Profesional y otres enseñances de réxime especial que se van celebrar en 2016.

Esta ye la primer vegada que’l Principáu anuncia con tanta antelación les especialidaes que van ser oxetu de la ufierta d’emplegu públicu, antes inclusive de que pueda establecese el total de places que van salir a concursu. Magar la cifra esacta nun puede afitase agora, porque inda nun se conoz el númberu de funcionarios que se van xubilar hasta’l 31 d’avientu d’anguaño. Genaro Alonso destacó que se va convocar el máximu que permita la tasa de reposición del Gobiernu central, polo que de caltenese la tasa del 100% qu’anunció’l ministeriu, podríen cubrise unos 400 puestos.

Ente les especialidaes que se van incluyir como propuesta na convocatoria de 2016 alcuéntrense dalgunes qu’enxamás  tuvieron oposiciones desque Asturies recibió les trasferencias educatives, y otres cuatro que sólo se convocaron una vegada en 16 años. Asina asocede coles especialidaes d’Organización y Proyectos de Fabricación Mecánica que nun se convoquen dende’l 2000, Intervención Sociocuminataria y Operadores de Producción Agraria, dende’l 2008, Física y Química dende 2010, y Economía , dende 2002.

Pelo que cinca a les especialidaes que’enxamás se convocaran anantes alcuéntrense les especialidaes d’Alemán, que ta teniendo enforma peticiones d’interinidá nestos meses, Alministración d’Empreses, Instalaciones Marines, Organización y Xestión Comercial, Procesos Sanitarios, Instalación y Caltenimientu d’equipos térmicos y fluyíos, Equipos electrónicos, Instalaciones Electrotécniques, Mecanizáu y Caltenimientu de Máquines, Procesos Comerciales, Procesos de Xestión Alministrativa, Servicios de Restauración, Danza Clásica, Danza Contemporanea y Lliteratura Dramática. Genaro Alonso destacó tamién qu’en 2016 van convocase 43 places pal cuerpu de catedráticos de Música y Artes Escéniques y once pal Cuerpu d’Inspectores d’Educación.

Loading Facebook Comments ...