Les negociaciones pal pactu educativu van prorrogase seis meses más

Les negociaciones pal pactu educativu van prorrogase seis meses más
23 mayu 08:08 2017 Imprimir

Los partíos políticos ficieron anuncia esta selmana pasada que van prorrogar otros seis meses, hasta final d’añu, los trabayos que realicen dende febreru y el documentu que tien de sirvir pa ellaborar una nueva llei consensuada y un compromisu tresañal d’inversiones nun va tar acabáu antes de principios de 2018.

Los partíos políticos van prorrogar otros seis meses, hasta final d’añu, los trabayos que realicen dende febreru nuna subcomisión del Congresu de los Diputaos en busca d’un pactu d’Estáu pola educación, que de salir alantre dexaría ellaborar la primer llei consensuada y con visos d’estabilidá de tola etapa democrática.

La prórroga de los trabayos de la comisión, que se va alcordar  primero que’l Congresu cierre la so actividá en xunetu, avanzara la vocera educativa del PP, la diputada Sandra Moneo. Moneo señaló qu’entá queda por celebrase la comparecencia de 36 espertos ante la comisión, trabayu que siquier puede estendese hasta xunetu, y que, tres el branu, ye cuando los grupos tendrán d’intentar ellaborar un documentu coles grandes llínees del pactu educativu, que nun taría redactáu antes de finales de 2017 o principios de 2018.

D’esi borrador de pactu, que tien que ser consensuáu tamién coles comunidaes autónomes y la comunidá educativa, tendría de salir una nueva llei que sustituya a la Lomce y un alcuerdu tresañal d’inversión n’educación que dexe enllantar les reformes. El PP confirmó que nun pon llínees coloraes al pactu, incluyida la sustitución completa de la Lomce si asina ye alcordao por toos.

  Categories: