Les II Xornaes Apícoles Internacionales Promiel sedrán 16 y 17 de febreru nel PEC

by redacción asturnews | febrero 7, 2019 11:34 am

El conceyal de Turismu, Congresos y Economía del Ayuntamientu d’Uviéu, Rubén Rosón presentó esta selmana, en rueda de prensa les II Xornaes Apícoles Internacionales Promiel Asturies, que se van desenvolver nel Palaciu de Congresos los díes 16 y 17 de febreru.
El conceyal tuvo acompañáu de los responsables de Promiel: Luis Pérez, el so presidente; Julio Fernández, vicepresidente y Manuel Rodríguez, vocal. A xuiciu de Rosón la cita “que tan bones resultancies tuvo l’añu pasáu”, ye “una oportunidá de luxu por qu’Uviéu afonde nel sector primariu, por que se xenere emplegu y dinamismu. Dende los planes de desenvolvimientu d’empléu éstos son, primordialmente los nuesos oxetivos: curiar el nuesu redolaes, afitar empléu…”

Luis Pérez estimó al Conceyu la so collaboración y esplicó que “Promiel  ye una asociación d’apicultores y que nos últimos años l’apicultura camudó radicalmente, profesionalizándose. Con medría cimera al 10% añal, agora la mayoría de los truébanos tán en manos d’apicultores que tienen l’apicultura como mediu”. D’ente los ponentes destaca Vincent Toledo, referente na apicultura d’América del Sur, asesor d’empreses apícolas y reconocíu criador d’abeyes reines que cunta con un ampliu prestíu internacional.

Source URL: http://asturnews.com/les-ii-xornaes-apicoles-internacionales-promiel-sedran-16-y-17-de-febreru-nel-pec/