Les escueles infantiles uvieínes van rebaxar a la metá la so cuota

Les escueles infantiles uvieínes van rebaxar a la metá la so cuota
20 xunetu 08:27 2018 Imprimir

Seiscientes families van beneficiase a partir del próximu cursu escolar n’Uviéu d’una rebaxa del 50 per cientu nel pagu de les cuotes destinaes a les escueles infantiles de 0 a 3 años.

Les escueles infantiles uvieínes van rebaxar a la metá la so cuota’l próximu cursu n’Uviéu. Según esplicó esta selmana la vicealcaldesa, Ana Taboada, el creitu estraordinariu de 2,5 millones d’euros, aprobáu pol Conceyu pa esta etapa educativa concreta, fixo posible esti amenorgamientu que redunda nel oxetivu de llograr «una educación universal y gratuita» para estes primeres fases de les enseñances.

La conceyala de Somos refirióse amás al sistema de bonificaciones col que cunta’l conceyu, «unu de los más avanzaos», que fai que los descuentos lleguen a más families. «Hai una progresividad  a la d’aportar a les ayudes y a les beques atendiendo a les situaciones económicu y familiar». Hai dende les bonificaciones n’atención al salariu mínimu interprofesional, bonificaciones adicionales para families numberoses o para unidaes familiares con dalgunos de los sos miembros discapacitaos. Los precios bazcuyen ente la gratuidá total pa les families qu’ingresen menos de 17.000 euros, hasta’l máximu de 161,76 euros al mes pa rentes cimeres a 35.000 euros al añu. «Tou esto pa xornaes completes d’ocho hores con serviciu d’almuerzu y comedor», matizó Taboada.

La mayoría de families uvieines asitiase ente la gratuidá y los que paguen una media de 40 euros al mes: «La combinación del sistema de bonificación fai que’l preciu resulte más baratu que n’otres ciudaes como Xixón que sería de 80 euros», exemplificó la conceyala de Somos.

Taboadaén tami destacó l’esfuerzu del Conceyu por cuenta de que reconoció que’l sistema d’escueles infantiles ye «deficitariu». Los costos del últimu exerciciu refundiaron un gastu de 4,2 millones d’euros ente que los ingresos fueron de 2,1 millones euros.

 

  Categories: