ConceyosMúsica Les entraes pal tercer Conciertu d’Añu Nuevu d’Avilés salen a la vienta by redacción asturnews 5 d'avientu, 2019 written by redacción asturnews 5 d'avientu, 2019 42 Les entraes pal tercer Conciertu d’Añu Nuevu d’Avilés salieron a la vienta esti llunes. El conciertu va tener llugar el 1 de xineru a les 19.00 hores, y ye’l primer eventu del centenariu del Teatru Palacio Valdés. Ufiertáu pola Orquesta Sinfónica Ciudá d’Avilés, integrada por 46 prestixosos músicos de toa Asturies, profesores del Conservatorio Julián Orbón y antiguos alumnos que formen parte d’orquestes de gran reputación, avérase’l tercer Conciertu d’Añu Nuevu d’Avilés, unu de los eventos más queríos de la programación navidiega. El recital, que va ufiertar la Orquesta Sinfónica Ciudá d’Avilés, va tener llugar el miércoles 1 de xineru a les 19.00 hores, como acontecimientu inaugural del añu del primer centenariu del Teatru Palacio Valdés. Les entraes salieron a la vienta’l llunes 2 d’avientu, a les 11.00 hores, a un preciu de 15 euros, sacantes polo xeneral, en que van costar 8, y una zona de dos files de visibilidá amenorgada, habilitada tamién polo xeneral, a 6 euros. Esti conciertu convirtióse nunu de los protagonistes de la programación navidiega d’Avilés, con dos llenos absolutos nos sos dos primeres ediciones. Nesta tercera, Iván Cuervu, profesor del Conservatorio Municipal Profesional Julián Orbón, va dirixir una orquesta integrada por 46 prestixosos músicos d’Asturies, profesores del conservatorio avilesín y antiguos alumnos del mesmu que formen parte d’orquestes de gran reputación tantu nacionales como internacionales. Acompañarálos el violonchelista rusu Alexander Osokin, antiguu profesor del conservatorio Julián Orbón y solista de la prestixosa orquesta Moscow Virtuosi. Van Interpretar un repertoriu con grandes obres maestres de la música mundial, como’l Boleru de Ravel, y con un importante espaciu reserváu tantu pa la tradición vienesa como la española. Más información 0 FacebookTwitterPinterestEmail Anterior Paul McCartney anuncia conciertu en Barcelona pa 2020 siguiente Una escultura hiperrealista de Bilbao denuncia la “soledá y aislamientu” de los mayores Tamién te podria gustar Iniciativa pol Asturianu y Barbón desixen a Adif... Semando Son amuesa’l nuevu folk asturiano L’Atles llingüísticu del Navia-Eo ponse n’accesu llibre El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient Ventanielles y Guillén Lafuerza van ser una “Fábrica... La Banda Gaites de Castrillón ufrió’l so repertoriu... Fitoria torna nueve años depués a brillar en...